Чарнацелкі

Чарнаце́лкі (Tenebrionidae) — сямейства жукоў падатрада разнаедных.

Чарнацелкі
Павольнік пясчаны (Opatrum sabulosum)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Жукі Падатрад:  Разнаедныя Інфраатрад:  Cucujiformia Надсямейства:  Tenebrionoidea Сямейства:  Чарнацелкі
Міжнародная навуковая назва
Tenebrionidae Latreille, 1802
Тыпавы род
Tenebrio
Падсямействы
Alleculinae Laporte de Castelnau, 1840 Diaperinae Latreille, 1802 Lagriinae Latreille, 1802 Phrenapatinae Solier, 1834 Pimeliinae Latreille, 1802 Stenochiinae Kirby, 1837 Tenebrioninae Latreille, 1802
Сістэматыка на Віківідах Выявы на Вікісховішчы ITIS   114419 NCBI   7065 EOL   8624 FW   69559

Больш за 17 тыс. відаў. Пашыраны амаль усюды, найбольш разнастайныя і шматлікія ў стэпах, пустынях і паўпустынях. Жывуць на адкрытых біятопах, на берагах вадаёмаў, у лясах, жылых і спецыяльных памяшканнях і інш. На Беларусі 53 віды, найбольш пашыраны віды з родаў Blaps, Opatrum, Tenebrio і інш.

Даўжыня 2—70 мм. Форма цела разнастайная. Афарбоўка цёмная: чорная, бурая, зрэдку з ярка-металічным адлівам або з аранжавымі плямамі. Надкрылы зрастаюцца, задніх крылаў часта няма. Вусікі 10—11-членікавыя. Лічынкі доўгія, амаль цыліндрычныя, цвёрдыя, нагадваюць драцянікаў (адсюль назва лжэдрацянікі).

Кормяцца расліннымі рэшткамі, тканкамі жывых раслін. Шэраг відаў пашкоджваюць харчовыя, сельскагаспадарчыя культуры, радзей лясныя пароды дрэў.

Літаратура

• Максімава С. Чарнацелкі // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).