Чахаўцы

Чахаўцы́^[1] (трансліт.: Čachaŭcy, руск.: Чеховцы) — вёска ў Лідскім раёне Гродзенскай вобласці. Уваходзіць у склад Дварышчанскага сельсавета.

Вёска Чахаўцы Краіна Беларусь Вобласць Гродзенская Раён Лідскі Сельсавет Дварышчанскі Каардынаты 53°56′00″ пн. ш. 25°17′58″ у. д.HGЯO Насельніцтва ▼52 чал. (2019) Часавы пояс UTC+3 Тэлефонны код +375 154 Аўтамабільны код 4 СААТА 4236843121 Чахаўцы Чахаўцы

Геаграфія

Знаходзіцца за 6 км на поўнач ад Ліды, на рацэ Лідзея. Побач размяшчаецца аднаіменны мікрараён, злучаны гарадскім аўтобусным маршрутам.

За 0,4 км на паўночны ўсход ад вёскі эксплуатуецца Чэхаўскае радовішча пясчана-жвіровага матэрыялу^[2]. Пластападобны паклад звязаны з флювіягляцыяльнымі адкладамі сожскага ледавіка. Ва ўскрышы: пяскі, торф, супескі.

Гісторыя

Вопіс парафій Лідскага дэканата 1784 года згадвае ваколіцу Чэхаўцы на поўнач ад Ліды. Дарога да Вільні ішла цераз балота Стрыя, каля Чэхаўцаў і Колышак, выбоістая, на працягу мілі зарослая кустамі. Потым яна вяла цераз Дворышча на Тракелі^[3].

Да 27 сакавіка 1978 года вёска ўваходзіла ў склад Дубровенскага сельсавета^[4], да 21 лютага 2023 года — у склад Крупаўскага сельсавета^[5].

Гаспадарка

Вядзецца распрацоўка пяску і жвіру (прыдатныя на выраб бетону, для дарожнага будаўніцтва, муровачных і тынкавальных раствораў).