Шчацінахвосткі

Шчацінахвосткі (Zygentoma) — атрад першаснабяскрылых насякомых.

Шчацінахвосткі
Тэрмобія хатняя (Thermobia domestica)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Бяскрылыя Атрад:  Шчацінахвосткі
Міжнародная навуковая назва
Zygentoma Börner, 1904
Сінонімы
Thysanura
Сістэматыка на Віківідах Выявы на Вікісховішчы ITIS   99215 EOL   2924080

Апісанне

Даўжыня 8—20 мм. Цела верацёнападобнае, у большасці ўкрытае лускавінкамі. Вусікі доўгія, ніткападобныя. Брушка з 2 і больш членістымі шчацінкамі і доўгай хваставой ніткай на канцы (адсюль назва). Вочы фасетачныя. Ротавыя органы грызучыя.

Пашырэнне

Адрозніваюць больш за 400 відаў. Пашыраны пераважна ў тропіках і субтропіках, сінантропныя іх віды — у больш халодных абласцях. Жывуць у лясным подсціле, у шчылінах кары, глебе, мурашніках, жылых памяшканнях. На Беларусі трапляюцца прадстаўікі сямейства лускаўніц.

Асаблівасці біялогіі

Апладненне вонкава-ўнутранае. Развіццё па тыпе протаметабаліі (метамарфоз).

Кормяцца жывёльнымі і расліннымі рэшткамі. Псуюць кнігі, крухмал, цукар.

Літаратура

• Шчацінахвосткі // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).