Шчорсаўскі сельсавет

Шчо́рсаўскі сельсавет — адміністрацыйна-тэрытарыяльная адзінка ў складзе Навагрудскага раёна Гродзенскай вобласці. Цэнтр — аграгарадок (да 2009 г. вёска) Шчорсы.

Шчорсаўскі сельсавет
Краіна	Беларусь
Уваходзіць у	Навагрудскі раён
Уключае	10 населеных пунктаў
Адміністрацыйны цэнтр	Шчорсы
Дата ўтварэння	12 кастрычніка 1940
Старшыня сельсавета	Лукоўскі Генрых Вацлававіч
Кіраўнік спраў	Казляк Людміла Аляксееўна
Афіцыйныя мовы	беларуская/руская
Насельніцтва (2019)	1 024
Часавы пояс	UTC+03:00
Тэлефонны код	+375 1597
Код аўтам. нумароў	4

Гісторыя

Утвораны 12 кастрычніка 1940 года ў складзе Любчанскага раёна Баранавіцкай вобласці БССР. З 8 студзеня 1954 года ў складзе Гродзенскай вобласці. З 17 снежня 1956 года сельсавет у складзе Навагрудскага раёна. 17 сакавіка 1959 года да сельсавета далучана тэрыторыя скасаванага Лаўрышаўскага сельсавета.

Насельніцтва

Насельніцтва сельсавета паводле перапісу 2009 года — 1378 чалавек^[1], з іх 96,5 % — беларусы, 1,4 % — рускія, 1,3 % — палякі, 0,5 % — украінцы^[2]; паводле перапісу 2019 года — 1024 чалавекі^[3].

Насельніцтва, жыхароў: 1378 (2009 г.)^[1], 1207 (2017 г.).

Склад

У склад сельсавета ўваходзіць 10 населеных пунктаў (2017 г.):

Населены пункт	Статус	Насельніцтва, 2009[1]
Антонаўшчына	вёска	26
Аўдзеевічы	вёска	112
Балотца	вёска	84
Гнесічы	вёска	137
Дужае Поле	хутар	2
Казённыя Лычыцы	вёска	75
Лаўрышава	вёска	146
Панямонь	вёска	83
Ураджайная	вёска	92
Шчорсы	аграгарадок	621

Арганізацыі і прадпрыемствы

• ААТ «Шчорсы»
• Шчорсаўскае лясніцтва

Гандаль і сфера паслуг

• комплексна-прыёмны пункт у аграгарадку Шчорсы
• аддзяленне філіяла ААТ «АСБ Беларусбанк» у аграгарадку Шчорсы
• АТС у аграгарадку Шчорсы
• лазня ў аграгарадку Шчорсы
• аддзяленні паштовай сувязі ў аграгарадку Шчорсы і вёсцы Лаўрышава
• крамы ў аграгарадку Шчорсы, вёсках Гнесічы і Ураджайная.

Установы адукацыі

• ДУА «Шчорсаўскі вучэбна-педагагічны комплекс дзіцячы сад–сярэдняя школа».

Установы аховы здароўя

• амбулаторыя ўрача агульнай практыкі ў аграгарадку Шчорсы
• ФАП у вёсцы Лаўрышава
• аптэка ў аграгарадку Шчорсы.

Культура

• Шчорсаўскі сельскі Дом культуры – цэнтр тэатральнай творчасці
• Лаўрышаўская сельская бібліятэка.

Славутасці

• Свята-Елісееўскі Лаўрышаўскі мужчынскі манастыр у вёсцы Гнесічы (XIII ст.).
• дуб Міцкевіча ў Шчорсах – помнік прыроды.
• палацава-паркавы комплекс Храптовічаў у Шчорсах – помнік архітэктуры і садова-паркавага мастацтва другой паловы XVIII – пачатку XIX ст.
• Дзмітрыеўская царква ў аграгарадку Шчорсы (храм Святога Вялікапакутніка Дзмітрыя Салунскага) – помнік архітэктуры барока (1770–1776).
• Успенская царква ў вёсцы Лаўрышава (храм Успення Найсвяцейшай Багародзіцы) – помнік архітэктуры (1798).
• помнік святому Елісею Лаўрышаўскаму (1996).