Эвернія

Эве́рнія (Evernia) — род кусцістых лішайнікаў сямейства Пармеліевыя (Parmeliaceae).

Эвернія
Эвернія слівавая (Evernia prunastri)
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Аскамікота Пададдзел:  Pezizomycotina Клас:  Lecanoromycetes Падклас:  Lecanoromycetidae Парадак:  Леканаральныя Сямейства:  Пармеліевыя Падсямейства:  Parmelioideae Род:  Эвернія
Міжнародная навуковая назва
Evernia
Сінонімы
Everniomyces Cif. & Tomas., Hologymnia Nyl.
Сістэматыка на Віківідах Выявы на Вікісховішчы ITIS   190657 NCBI   87256 EOL   22708 MB   1954

Апісанне

Слаявіна (талом) даўжынёю 8–25 (часам да 30) см, бародападобная, павіслая, мяккая, прымацавана да субстрату слаба выяўленай асновай або ляжыць свабодна. Мае зеленаваты, шаравата-белаваты ці жаўтаваты колер. Лопасці шырынёй да 2–4 мм мяккія, вуглавата-акруглыя або плоскія, стужкападобныя, са шматлікімі сарэдыямі па краі. Пладовыя целы (апатэцыі) утвараюцца рэдка. Сумкі падоўжаныя, споры яйцападобныя.

Змяшчае лішайнікавыя кіслоты: уснінавую і дыварыкатавую.

Пашырэнне

Вядома каля 10 відаў, шырока распаўсюджаны ва ўмераных зонах Паўночнага паўшар’я. На Беларусі 3 віды: эвернія мезаморфная (Evernia mesomorpha), распасцёртая (Evernia divaricata) і слівавая (Evernia prunastri). Лішайнік расце на ствале і галінах елкі, рэдка на кары ліставых парод у вільготных старых яловых і ялова-ліставых лясах (даўгамошныя і прыручаёва-травяныя тыпы лясоў).

Выкарыстанне

3 эверніі слівавай (т.зв. «дубовы мох») атрымліваюць сыравіну для антыбіятычнага прэпарату «Эвазін», на аснове канцэнтраванага спіртавога экстракту вырабляюць духі, адэкалон, пудру, крэмы, мыла і інш.

Літаратура

• Эвернія // Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — 472 с. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).

Спасылкі

• ЭВЕРНІЯ на сайце анлайн-энцыклапедыі «Беларуская энцыклапедыя»