Эрык-Эманюэль Шміт

У Вікіпедыі ёсць артыкулы пра іншых людзей з прозвішчам Шміт.

Эрык-Эманюэль Шміт (фр.: Éric-Emmanuel Schmitt; нарадзіўся 28 сакавіка 1960 года) — французскі пісьменнік і драматург. Яго п’есы перакладзеныя на сорак моў свету і ставіліся ў больш чым пяцідзесяці краінах^[5].

Эрык-Эманюэль Шміт
фр.: Éric-Emmanuel Schmitt
Асабістыя звесткі
Дата нараджэння	28 сакавіка 1960(1960-03-28) (65 гадоў)
Месца нараджэння	Сент-Фуа-ле-Ліён[d], Ліён[d], раён Рона[d], Францыя
Грамадзянства	Францыя[1]  Бельгія[2]
Альма-матар	Вышэйшая нармальная школа[d] lycée du Parc[d]
Прафесійная дзейнасць
Род дзейнасці	драматург, філосаф, перакладчык, сцэнарыст, пісьменнік, кінарэжысёр, акцёр, навеліст, сцэнарыст коміксаў, раманіст
Гады творчасці	з 1991
Мова твораў	французская
Грамадская дзейнасць
Член у	Каралеўская акадэмія французскай мовы і літаратуры[d][3] Ганкураўская акадэмія[d][4]
Узнагароды	ганаровы доктар Шэрбрукскага ўніверсітэта[d] Канкур жэнераль[d] Grand prix du théâtre[d]
eric-emmanuel-schmitt.net
Медыяфайлы на Вікісховішчы
Цытаты ў Вікіцытатніку

Біяграфія

Нарадзіўся ў сям’і школьных настаўнікаў фізікі з Эльзасу. У дзяцінстве займаўся музыкай, іграў на фартэпіяна. Пакінуў намер стаць кампазітарам паступіўшы ў ліцэй  (фр.) у Ліёне, дзе настаўнікі заўважылі і падахвочвалі яго літаратурны талент. Зрэшты, паралельна з заняткамі, працягваў наведваць урокі музыкі пры Ліёнскай кансерваторыі.

У 1980—1985 гадах Шміт вучыўся на факультэце філасофіі Вышэйшай нармальнай школы ў Парыжы. У 1986 годзе абараніў доктарскую дысертацыю «Дзідро і метафізіка» (Diderot et la métaphysique). Затым цягам некалькіх гадоў выкладаў філасофію ў ліцэі Шэрбура і ва ўніверсітэце Шамберы.

Эрык-Эманюэль Шміт жыве і працуе ў Бруселі, а з 2008 года мае акрамя французскага яшчэ і бельгійскае грамадзянства^[6]. Выхаваны ў духу атэізму, пэўны час вызнаваў агнастыцызм, але аднядаўна аўтар прызнаў істотнасць рэлігіі ў сваёй творчасці і абвясціў сябе хрысціянінам. У 2000 годзе выйшаў яго раман «Евангелле паводле Пілата».

Беларускія пераклады

На беларускую мову раман «Евангелле паводле Пілата» перакладзены Андрэем Хадановічам у 2012 годзе.

• Евангелле паводле Пілата: раман / Эрык-Эманюэль Шміт. — Мінск : Зміцер Колас, 2012. — 204, [1] с. — (Littera scripta).

Зноскі

1. Bibliothèque nationale de France data.bnf.fr: платформа адкрытых даных — 2011. Праверана 19 сакавіка 2020.

   <a href='https://wikidata.org/wiki/Track:Q19938912'></a><a href='https://wikidata.org/wiki/Track:Q54837'></a><a href='https://wikidata.org/wiki/Track:Q193563'></a>
2. http://www.dhnet.be/infos/belgique/article/211425/ils-sont-devenus-belges.html
3. http://www.arllfb.be/composition/successions.html Праверана 31 кастрычніка 2015.
4. https://www.academiegoncourt.com/les-membres
5. Эрык-Эманюэль Шміт, афіцыйная старонка
6. Loi du 28 juillet 2008 Moniteur belge.