Этыленгліколь

Этыленгліко́ль (1,2-этандыёл) — двухатамны спірт, найпрасцейшы прадстаўнік гліколяў, HOCH₂CH₂OH. Упершыню атрыманы французскім хімікам Ш. Вюнцам у 1856 годзе.

Этыленгліколь
Агульныя
Хім. формула	C₂H₆O₂
Тэрмічныя ўласцівасці
Класіфікацыя
Рэг. нумар CAS	107-21-1
PubChem	174
Рэг. нумар EINECS	203-473-3
SMILES	C(CO)O
RTECS	KW2975000
ChemSpider	13835235

Бясколерная гіграскапічная гаручая вадкасць без паху, салодкая на смак. Малярная маса 62,068 г/моль. Тэмпература плаўлення −12,3 °C, тэмпература кіпення 197,6 °C. Шчыльнасць 1,113 г/см³ (пры тэмпературы 20 °C). Добра раствараецца ў вадзе, спіртах, кетонах, умерана — бензоле, талуоле, дыэтылавым эфіры. У этыленгліколі дрэнна раствараюцца раслінныя і жывёльныя тлушчы, не раствараюцца парафін, полівінілхларыд, каўчук^[1] і інш.

У прамысловасці этыленгліколь атрымліваюць гідратацыяй этыленаксіду, шчолачным гідролізам 1,2-дыхлорэтану.

Выкарыстанне

Этыленгліколь выкарыстоўваецца ў вытворчасці поліэфірных валокнаў, пластмас, выбуховых рэчываў, растваральнікаў, мыйных сродкаў, антыфрызаў, у тэкстыльнай і парфумернай прамысловасці і інш.

Зноскі

1. Артыкул на сайце ХиМиК.ру (руск.)