Эдмунд Іванавіч Вярыга

У Вікіпедыі ёсць артыкулы пра іншых людзей з прозвішчам Вярыга.

Эдмунд Іванавіч Вярыга (1840 — 23 верасня 1902) — адзін з кіраўнікоў паўстання 1863-64 у Літве і Беларусі^[1].

Эдмунд Іванавіч Вярыга
Дата нараджэння	1840?
Месца нараджэння	Веркі[d], Віленскі павет, Віленская губерня, Расійская імперыя
Дата смерці	23 верасня 1902(1902-09-23)
Месца смерці	Амнішава, Лагойскі раён, Беларусь
Адукацыя	1-я Віленская мужчынская гімназія Санкт-Пецярбургскі дзяржаўны ўніверсітэт
Род дзейнасці	паўстанец
Бацька	Ян Вярыга[d]
Маці	Барбара з Красоўскіх[d]
Медыяфайлы на Вікісховішчы

Біяграфія

Група ўдзельнікаў віленскай рэвалюцыйнай арганізацыі. Эдмунд Вярыга сядзіць справа

Нарадзіўся каля 1840 г. у сям’і адміністратара маёнтка Веркі (паблізу Вільні). Скончыў Віленскую гімназію^[2].

З 1857 вучыўся ў Пецярбургскім універсітэце, вёў рэвалюцыйную работу сярод студэнтаў, агітацыю сярод сялян^[1].

Як член Камітэта руху  (польск.), Літоўскага правінцыйнага камітэта ўдзельнічаў у падрыхтоўцы паўстання. У лістападзе 1862 вёў перамовы з Цэнтральным нацыянальным камітэтам у Варшаве^[1].

19 лютага (3 сакавіка) 1863 года арыштаваны (у Вільні ў до­ме М. Шкленіка, будучага цесця Ф. Багушэвіча) і пасля працяглага зняволення ў віленскіх турмах прыгавораны да 8 гадоў катаргі^[2], якую адбываў у Кадаінскіх рудніках разам з М. Г. Чарнышэўскім. Пазней працаваў у Пецярбургу, на Украіне. Памёр у маёнтку Амнішава^[3] Барысаўскага павета^[1].

Зноскі

1. Вериго Эдмунд Иванович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 111. — 737 с.
2. ВЯРЫГА Эдмунд Іванавіч(недаступная спасылка)
3. цяпер Задор’еўскі сельсавет Лагойскага раёна