Юзаф Балзукевіч

У Вікіпедыі ёсць артыкулы пра іншых людзей з прозвішчам Балзукевіч.

Юзаф Балзукевіч (польск.: Józef Bałzukiewicz, літ.: Juozapas Balzukevičius, 1 красавіка 1867, Вільня — 11 лютага 1915, Вільня) — польскі мастак з вядомай дынастыі. Сын скульптара Вінцэнта Балзукевіча, брат мастакоў Баляслава і Луцыі Балзукевічаў.

Юзаф Балзукевіч
Імя пры нараджэнні	польск.: Józef Bałzukiewicz
Дата нараджэння	1 красавіка 1867(1867-04-01)[1]
Месца нараджэння	Вільня, Віленскі павет, Віленская губерня, Расійская імперыя
Дата смерці	11 лютага 1915(1915-02-11) (47 гадоў)
Месца смерці	Вільня, Віленскі павет, Віленская губерня, Расійская імперыя
Месца пахавання	могілкі Роса
Грамадзянства	Расійская імперыя
Бацька	Вінцэнты Балзукевіч
Род дзейнасці	мастак
Жанр	рэлігійны жывапіс, пейзаж
Вучоба	Віленская рысавальная школа Трутнева Імператарская Акадэмія мастацтваў (1893)
Медыяфайлы на Вікісховішчы

Біяграфія

Брама капэлы Св. Казіміра ў віленскім кафедральным саборы, малюнак, (1912)

Пачатковую мастацкую адукацыю атрымаў у Віленскай рысавальнай школе Івана Трутнева.

У 1887—1893 працягнуў навучанне ў пецярбургскай Акадэміі мастацтваў пад кіраўніцтвам прафесара Б. П. Вілевальдэ. Поспехі былі адзначаны некалькімі медалямі, у тым ліку вялікі сярэбраным медалём (1893). Тры гады працаваў настаўнікам малявання ў Чарапаўцы і на Украіне.

З 1897 жыў у Вільні. Выкладаў у бясплатных класах тэхнічнага малявання і чарчэння Юзафа Мантвіла і з 1912 кіраваў класамі. Заснаваў вячэрнюю студыю малявання. Адзін з заснавальнікаў Віленскага мастацкага таварыства (1908) і ўдзельнік арганізаваных грамадствам штогадовых вясновых выставак.

Аўтар рэалістычна выкананых сцэн жыцця і побыту літоўскіх сялян, відаў Вільні, партрэтаў, інтэр'ераў віленскіх касцёлаў, рэлігійных кампазіцый. Віды Вільні пісаў алеем і акварэллю. Акрамя таго, маляваў пяром і пастэллю, займаўся рэстаўрацыяй карцін. Рэстаўраваў, у прыватнасці, карціны Шымона Чаховіча ў касцёле Св. Рафала ў Вільні (тут жа яго карціны рэлігійнай тэматыцы). Сярод творчай спадчыны скульптара — медальён з выявай Юзафа Пілсудскага для ўпрыгожвання Сената Польшчы.^[2].

Акадэмічную сухасць твораў Юзэфа Балзукевіча змякчаюць рысы імпрэсіянізму.

Пахаваны на могілках Роса (Расу) у Вільні. Надмагільны помнік усталяваны ў 1925 (аўтар — брат Баляслаў Балзукевіч).

Галерэя твораў

• 
  Касцёл місіянераў ў Вільні па вуліцы Субач. Папера, акварэль, 52 × 66 см
• 
  Вострая брама ў Вільне
• 
  «Дабравешчанне Прасвятой Багародзіцы», Вільня, 1912—1915
• 
  «Марыя Магдаліна», Вільня, прыпісваюць Юзафу Балзукевічу

Зноскі

1. Józef Balzukiewicz // Artists of the World Online, Allgemeines Künstlerlexikon Online, AKL Online / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL

   <a href='https://wikidata.org/wiki/Track:Q64'></a><a href='https://wikidata.org/wiki/Track:Q41640909'></a><a href='https://wikidata.org/wiki/Track:Q496126'></a><a href='https://wikidata.org/wiki/Track:Q19276262'></a><a href='https://wikidata.org/wiki/Track:Q324303'></a><a href='https://wikidata.org/wiki/Track:Q98818'></a>
2. Наталля Маліноўская-Франке. Успомнім пра забытае.