Юрый Аляксандравіч Пуплікаў

Ю́рый Алякса́ндравіч Пу́плікаў (12 жніўня 1935, г. Арзамас Горкаўскай вобласці (цяпер Ніжагародская вобласць) — 14 лютага 2006) — беларускі дзяржаўны дзеяч, былы старшыня Дзяржаўных камітэтаў Беларускай ССР і Рэспублікі Беларусь по справах будаўніцтва (1986-1993^[1]), заслужаны будаўнік БССР.

Юрый Аляксандравіч Пуплікаў
В. Альшэўскі. Архітэктар Ю. Пуплікаў
Старшыня Дзяржаўнага камітэта Савета Міністраў БССР па справах будаўніцтва 1986 — 1990
Кіраўнік урада	Міхаіл Кавалёў Вячаслаў Кебіч
Папярэднік	Уладзімір Еўтух
Пераемнік	пасада скасаваная
Старшыня Дзяржаўнага камітэта БССР па архітэктуры і будаўніцтву 21 лютага 1991 — 19 верасня 1991
Кіраўнік урада	Вячаслаў Кебіч
Папярэднік	пасада ўтвораная
Пераемнік	пасада скасаваная
Старшыня Дзяржаўнага камітэта Рэспублікі Беларусь па архітэктуры і будаўніцтву 19 верасня 1991 — 26 студзеня 1993
Кіраўнік урада	Вячаслаў Кебіч
Папярэднік	пасада ўтвораная
Пераемнік	Рыгор Цішкевіч
Нараджэнне	12 жніўня 1935(1935-08-12) Арзамас, Арзамаскі раён[d], Горкаўскі край[d], РСФСР, СССР
Смерць	2006
Член у	Саюз будаўнікоў Рэспублікі Беларусь[d]
Адукацыя	БПІ (1960)
Узнагароды

У Вікіпедыі ёсць артыкулы пра іншых людзей з прозвішчам Пуплікаў.

Біяграфія

У 1960 годзе скончыў Беларускі політэхнічны інстытут.

У розныя гады ўзначальваў мінскі будаўнічы трэст № 5, які адбудоўваў мінскія трактарны завод, аўтамабільны завод, маторны, шарыкападшыпнікавы, вытворчых аб'яднанняў «Інтэграл» і «Гарызонт», будаўнічы трэст № 37, які пачаў будаўніцтва горада Лангепаса. Працаваў намеснікам старшыні Мінскага гарадскога выканкама, намеснікам міністра прамысловага будаўніцтва БССР — начальнікам камбіната «Мінскбуд».

У 1983 годзе ўзначаліў будаўніцтва мінскага метрапалітэна^[2], пад яго кіраўніцтвам будаўніцтва 1-й чаргі Мінскага метро было скончана на 10 месяцаў раней за намечаны тэрмін.

З 1986 па 1990 гады быў рэдактарам часопіса «Будаўніцтва і архітэктура Беларусі».^[3]

З 1998 года быў старшынёй Саюзу будаўнікоў Рэспублікі Беларусь.

Майстар спорту па веласіпедным спорце, уваходзіў у зборную БССР.

Зноскі

1. Пастанова Вярхоўнага Савета Рэспублікі Беларусь N 2124—XII ад 26 студзеня 1993 года «Аб Старшыні Дзяржаўнага камітэта Рэспублікі Беларусь па архітэктуры і будаўніцтве» Архівавана 9 снежня 2017.
2. УП «Мінскметрабуд» як гэта было Архівавана 5 сакавіка 2016.
3. 35 гадоў на інфармацыйным полі Беларусі