Юрый Браніслававіч Марэцкі

Юрый Браніслававіч Марэцкі (нар. 13 мая 1972, г. Стоўбцы, Мінская вобласць) — беларускі службовец, дэпутат Палаты прадстаўнікоў Нацыянальнага сходу Рэспублікі Беларусь з 2024 года.

Юрый Браніслававіч Марэцкі
дэпутат Палаты прадстаўнікоў Нацыянальнага сходу Рэспублікі Беларусь[d] з 22 сакавіка 2024
Нараджэнне	13 мая 1972(1972-05-13) (53 гады) Стоўбцы, Стаўбцоўскі раён, Мінская вобласць, Беларуская ССР, СССР
Адукацыя	Ваенны інжынерна-тэхнічны ўніверсітэт[d] Акадэмія кіравання пры Прэзідэнце Рэспублікі Беларусь
Узнагароды

У Вікіпедыі ёсць артыкулы пра іншых людзей з прозвішчам Марэцкі.

Біяграфія

Нарадзіўся 13 мая 1972 года ў г. Стоўбцы Мінскай вобласці^[1].

Скончыў Пушкінскае вышэйшае ваеннае інжынерна-будаўнічае вучылішча; Акадэмію кіравання пры Прэзідэнце Рэспублікі Беларусь па спецыяльнасці «Эканоміка і кіраванне на прадпрыемстве»^[1].

Праходзіў службу на розных пасадах у 30-й асобнай чыгуначнай брыгадзе; начальнікам аддзялення прызыву на ваенную службу ў Смалявіцкім РВК; ваенным камісарам Лагойскага РВК; ваенным камісарам Смалявіцкага раёна і г. Жодзіна^[1].

У 2024 годзе выбраны дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Жодзінскай акругі № 64. Член Пастаяннай камісіі па заканадаўстве^[1].

Узнагароды

Узнагароджаны медалём Федэральнай службы чыгуначных войск Расійскай Федэрацыі «За доблесць» І ступені, медалём «За бездакорную службу» ІІІ, ІІ ступені, 13 юбілейнымі медалямі^[1].

Сям’я

Жанаты, мае дваіх дзяцей^[1].