Юрый Дзмітрыевіч Мароз

Юрый Дзмітрыевіч Мароз (нар. 5 мая 1950, в. Замужанне Барысаўскага раёна Мінскай вобласці) — беларускі дзяржаўны дзеяч, былы міністр сельскай гаспадаркі, кандыдат эканамічных навук, Заслужаны работнік сельскай гаспадаркі Рэспублікі Беларусь.

Юрый Дзмітрыевіч Мароз
Міністр сельскай гаспадаркі і харчавання Беларусі 2 снежня 1998 — 14 ліпеня 2000
Прэзідэнт	Аляксандр Лукашэнка
Кіраўнік урада	Сяргей Лінг Уладзімір Ярмошын
Папярэднік	Іван Шакола
Пераемнік	Вадзім Папоў
Нараджэнне	5 мая 1950(1950-05-05) (75 гадоў) в. Замужанне, Барысаўскі раён, Мінская вобласць
Адукацыя	Аграмеханічны факультэт БДАТУ
Навуковая ступень	кандыдат эканамічных навук
Узнагароды	Ордэн Айчыны 3 ступені, Беларусь Ордэн Айчыны 2 ступені, Беларусь Медаль «65 гадоў вызвалення Рэспублікі Беларусь ад нямецка-фашысцкіх захопнікаў» Медаль «65 гадоў Перамогі ў Вялікай Айчыннай вайне 1941—1945 гг.» Медаль «100 гадоў прафсаюзнаму руху Беларусі»

У паняцця ёсць і іншыя значэнні, гл. Мароз (значэнні).

Біяграфія

У 1974 г. скончыў Беларускі інстытут механізацыі сельскай гаспадаркі па спецыяльнасці інжынер-механік сельскай гаспадаркі.

У 1974-1975 гадах — Інжынер-механік Дырэкцыі будуемага Барысаўскага комплексу па прамысловай вытворчасці свініны.

З 1975 па 1980 год працаваў старшым інжынерам — загадчыкам майстэрнямі па тэхнічным абслугоўванні і рамонту абсталявання саўгаса-камбіната "Барысаўскі" Барысаўскага раёна.

У 1980-1982 гадах — Начальнік аддзела камплектацыі Дырэкцыі па будаўнiцтву жывёлагадоўчага комплексу "Аршанскі" Аршанскага раёна.

У 1982-1983 гадах — Дырэктар Дырэкцыі будуемага комплексу "Камянецкі" Камянецкага раёна Брэсцкай вобласці.

У 1983-1996 гадах — Дырэктар саўгаса "Белавежскі" Камянецкага раёна.

У 1996-1997 гадах — Старшыня камітэта па сельскай гаспадарцы і харчаванню Брэсцкага аблвыканкама.

З лістапада 1997 года - першы намеснік Міністра сельскай гаспадаркі і харчавання Рэспублікі Беларусь^[1].

2 снежня 1998 прызначаны на пасаду Міністра сельскай гаспадаркі і харчавання Рэспублікі Беларусь^[2].

14 ліпеня 2000 вызвалены ад пасады Міністра па стане здароўя згодна з пададзенай заявай^[3].

Генеральны дырэктар адкрытага акцыянернага таварыства «Белавежскі» Камянецкага раёна^[4].

Член прэзідыума Камянецкага раённага Савета дэпутатаў. Член Пастаяннай камісіі Міжпарламенцкай Асамблеі Еўразійскай эканамічнай супольнасці па аграпрамысловай палітыцы, прыродакарыстанню і экалогіі.

Навуковая дзейнасць

Кандыдат эканамічных навук. Аўтар 20 навуковых прац, аднаго вынаходніцтва.

Узнагароды

• Ордэн Айчыны ІІІ ступені
• Ордэн Айчыны ІІ ступені (2017)
• Ордэн Працоўнага Чырвонага Сцяга
• Медаль «65 год вызвалення Рэспублікі Беларусь ад нямецка-фашысцкіх захопнікаў».
• Медаль «65 год Перамогі ў Вялікай Айчыннай вайне 1941—1945 гг.»
• Ганаровая грамата Нацыянальнага сходу Рэспублікі Беларусь^[5] (2006).

Зноскі

1. ПАСТАНОВА Савета Міністраў Рэспублікі Беларусь ад 19 лістапада 1997 №1538 "Аб прызначэнні Ю.Д.Мороза першым намеснікам Міністра сельскай гаспадаркі і харчавання Рэспублікі Беларусь" (руск.)
2. [http://pravo.newsby.org/belarus/ukaz3/uk940.htm(недаступная+спасылка) Указ Прэзідэнта Рэспублікі Беларусь ад 02.12.1998 №572 "Аб прызначэнні Ю.Д.Мороза Міністрам сельскай гаспадаркі і харчавання Рэспублікі Беларусь" (руск.)]
3. Указ Прэзідэнта Рэспублікі Беларусь ад 14 ліпеня 2000 №390 "Аб вызваленні Ю.Д.Мороза ад пасады Міністра сельскай гаспадаркі і харчавання Рэспублікі Беларусь" (руск.)
4. Афіцыйны сайт ААТ «Белавежскі»
5. Пастанова Прэзідыума Савета Рэспублікі Нацыянальнага сходу Рэспублікі Беларусь ад 10 лістапада 2006 г. № 410-ПСР3 Аб узнагароджанні Ю.Д.Мороза і В.І.Сарокі Ганаровай граматай Нацыянальнага сходу Рэспублікі Беларусь Архівавана 5 сакавіка 2016.