Юрый Станіслававіч Тэртэль

Юрый Станіслававіч Тэртэль (нар. 18 лістапада 1967, в. Прывалкі, Гродзенскі раён, Гродзенская вобласць, БССР) — беларускі ваенны, начальнік Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь (з 2018).

Юрый Станіслававіч Тэртэль
начальнік Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь[d] з 7 чэрвеня 2018
Нараджэнне	18 лістапада 1967(1967-11-18)[1] (57 гадоў) Прывалкі, Гожскі сельсавет, Гродзенскі раён, Гродзенская вобласць, Беларуская ССР, СССР
Адукацыя	Акадэмія Міністэрства ўнутраных спраў Рэспублікі Беларусь (1996)[2]
Званне	палкоўнік
Узнагароды

Біяграфія

Нарадзіўся 18 лістапада 1967 года ў в. Прывалкі Гродзенскага раёна ў каталіцкай сям’і Станіслава Янавіча, які працаваў кінамеханікам, і Анастазіі Казіміраўны, якая працавала загадчыцай клуба. Старэйшы брат — Іван Станіслававіч Тэртэль (нар. 1966). Вучыўся ў сярэдняй школе ў Прывалках, потым — у Друскеніках.

Пасля тэрміновай службы ва Узброеных Сілах СССР стаў курсантам Бранскай спецыяльнай сярэдняй школы міліцыі Міністэрства ўнутраных спраў СССР і да 2002 года праходзіў службу ў органах унутраных спраў^[3].

У 1996 годзе завочна скончыў Акадэмію Міністэрства ўнутраных спраў Рэспублікі Беларусь^[3].

У 2002—2009 гадах праходзіў службу на розных пасадах у Асобнай службе актыўных мерапрыемстваў (АСАМ) Дзяржаўнага пагранічнага камітэта Рэспублікі Беларусь (вайсковая часць 1250)^[3]. Са студзеня 2009 года^[3] па 7 чэрвеня 2018 года^[4] з’яўляўся камандзірам Асобнай службы актыўных мерапрыемстваў.

7 чэрвеня 2018 года прызначаны начальнікам Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь^[5].

Узнагароды

• Ордэн «За службу Радзіме» III-й ступені,
• медаль «За адзнаку ў ахове дзяржаўнай граніцы» (2010)^[6],
• медаль «За бездакорную службу» III ступені,
• медаль «За бездакорную службу» II ступені.

Зноскі

1. https://gosinspekciya.gov.by/
2. https://gosinspekciya.gov.by/gosinspektsiya/rukovodstvo/
3. Лукашенко потребовал навести железный порядок в Госинспекции охраны животного и растительного мира
4. Лукашенко согласовал назначение нового начальника Госинспекции охраны животного и растительного мира
5. Указ Президента Республики Беларусь от 7 июня 2018 года № 230 «Об Ю. С. Тертеле»
6. Указ Прэзідэнта Рэспублікі Беларусь ад 29 ліпеня 2010 года № 394 «Аб узнагароджанні дзяржаўнымі ўзнагародамі Рэспублікі Беларусь»