Ямна (возера)

У паняцця ёсць і іншыя значэнні, гл. Ямна.

Я́мна — возера ў Расонскім раёне Віцебскай вобласці ў басейне ракі Дрыса, за 27 км на паўночны ўсход ад гарадскога пасёлка Расоны, на 3 км на паўночны захад ад вёскі Шарстова.

Ямна
Морфаметрыя
Вышыня над узроўнем мора	161,6 м
Даўжыня	1,56 км
Шырыня	0,72 км
Плошча	0,92 км²
Аб’ём	0,00215 км³
Даўжыня берагавой лініі	4,92 км
Найбольшая глыбіня	3,8 м
Сярэдняя глыбіня	2,3 м
Гідралогія
Тып мінералізацыі	прэснае
Салёнасць	0,13—0,14 ‰
Празрыстасць	0,8 м
Басейн
Плошча вадазбору	13,4 км²
Упадаюць	ручаі
Выцякаюць	ручай
Размяшчэнне
Краіна	Беларусь
Рэгіён	Віцебская вобласць
Ямна
Ямна

Плошча паверхні возера складае 0,92 км². Найбольшая глыбіня 3,8 м, сярэдняя 2,3 м. Даўжыня 1,56 км, найбольшая шырыня 0,72 км. Даўжыня берагавой лініі 4,92^[1] км. Аб’ём вады 2,15 млн. м³. Плошча вадазбору 13,4 км².
Катлавіна возера рэшткавага тыпу. Схілы катлавіны вышынёй да 3 м (на паўночным ўсходзе да 12 м, стромкія), параслі лесам. Берагавая лінія слабазвілістая. Берагі нізкія, пясчаныя. Дно плоскае, у прыбярэжнай частцы да глыбіні 2 м выслана пяском і апясчаненым ілам, глыбей сапрапелем. Возера эўтрофнае, слабапраточнае. Шырыня паласы прыбярэжнай надводнай расліннасці да 60 м, зарастае да глыбіні 2 м. Упадаюць 6 ручаёў, выцякае ручай Язьмянок у возера Усвеча  (руск.).

У возеры водзяцца лешч, шчупак, гусцяра, плотка, краснапёрка, акунь, лінь і іншыя віды рыб.

Зноскі

1. ЭПБ 1986.