Ятраўскі сельсавет

Я́траўскі сельсавет — былая адміністрацыйна-тэрытарыяльная адзінка ў складзе Навагрудскага раёна Гродзенскай вобласці. Цэнтр — вёска Ятра.

Ятраўскі сельсавет
Краіна	Беларусь
Уваходзіць у	Навагрудскі раён
Уключае	12 населеных пунктаў
Адміністрацыйны цэнтр	Ятра
Дата ўтварэння	12 кастрычніка 1940
Дата скасавання	25 чэрвеня 2008
Насельніцтва	1 092 чал. (1999)
Часавы пояс	UTC+03:00
Код аўтам. нумароў	4

Утвораны 12 кастрычніка 1940 года ў складзе Валеўкаўскага раёна (з 25 лістапада 1940 года Карэліцкі раён) Баранавіцкай вобласці БССР. З 8 студзеня 1954 года ў складзе Гродзенскай вобласці. 16 ліпеня 1954 года да сельсавета далучана тэрыторыя скасаванага Велікакосіцкага сельсавета^[1]. З 25 снежня 1962 года ў складзе Навагрудскага раёна. У 1976 годзе ў склад Валеўскага сельсавета перададзены 7 населеных пунктаў (Багудзенка, Косічы, Лабачы, Навасёлкі, Новыя Ганчары, Старыя Ганчары і Тулічава), наўзамен у склад сельсавета з Валеўскага сельсавета перададзены 4 населеныя пункты (Концавічы, Кудавічы, Падбор’е і Парэчча)^[2]. 25 чэрвеня 2008 года скасаваны, тэрыторыя далучана да Валеўскага сельсавета^[3].

На момант скасавання ў склад сельсавета ўваходзілі 12 населеных пунктаў: Жадунь, Заполле, Зарэчка, Калмацкаўшчына, Клёны, Концавічы, Кудавічы, Мілеўцы, Падбор’е, Парэчча, Ціхінка, Ятра.