Яўген Сямёнавіч Мазалькоў

Яўген Сямёнавіч Мазалькоў (1909, Крычаў — 1969) — савецкі перакладчык, літаратуразнавец. Заслужаны дзеяч культуры БССР (1968). Лаўрэат Сталінскай прэміі трэцяй ступені (1950).

Яўген Сямёнавіч Мазалькоў
Асабістыя звесткі
Дата нараджэння	17 (30) верасня 1909
Месца нараджэння	Крычаў, Чэрыкаўскі павет, Расійская імперыя
Дата смерці	1969
Грамадзянства	СССР
Альма-матар	этналагічны факультэт МДУ[d] (1930)
Прафесійная дзейнасць
Род дзейнасці	перакладчык, літаратурны крытык
Мова твораў	руская
Грамадская дзейнасць
Член у	Саюз пісьменнікаў СССР
Узнагароды

Біяграфія

Нарадзіўся 17 (30) верасня 1909 года ў сям’і сельскага настаўніка. У 1930 годзе скончыў этналагічны факультэт МДУ. Літаратурную дзейнасць пачаў у 1925 годзе. Яго вершы друкаваліся ў газетах і часопісах 1920-х гадоў. Затым хвароба адарвала яго ад творчай працы. У 1935 годзе ён вярнуўся зноў да літаратурнай працы ў якасці паэта-перакладчыка і крытыка.

Творчасць

Пераклаў з беларускай мовы раманы, аповесці, апавяданні Я. Купалы, Я. Коласа, К. Чорнага, І. Я. Навуменкі і інш., пісаў таксама ўступныя артыкулы да твораў. У 1940 годзе пераклаў з украінскай мовы раман І. Я. Франко «Барыслаў смяецца». Напісаў кнігі «Янка Купала. Жыццё і творчасць» (1949), «Якуб Колас. Крытыка-біяграфічны нарыс» (1960). «Спяваючая зямля. Літаратурныя нарысы і партрэты» (1965).

Узнагароды

Узнагароджаны Сталінскай прэміяй трэцяй ступені (1950) — за біяграфічную кнігу «Янка Купала. Жыццё і творчасць» (1949).

Літаратура

• Мазалькоў Яўген Сямёнавіч // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).