Якаў Ісакавіч Вяпрынскі

Я́каў Іса́кавіч Вяпры́нскі (13 лістапада 1911, Магілёў — 3 лістапада 1976) — артыст балета.

Якаў Ісакавіч Вяпрынскі
Дата нараджэння	13 лістапада 1911(1911-11-13)
Месца нараджэння	Магілёў, Магілёўская губерня, Расійская імперыя
Дата смерці	3 лістапада 1976(1976-11-03) (64 гады)
Адукацыя	Беларуская студыя оперы і балета (1933)
Тэатр	Беларускі дзяржаўны Вялікі тэатр оперы і балета Sverdlovsk state academic theatre of musical Comedy[d]

Біяграфія

У 1932—1933 гадах вучыўся ў Беларускай студыі оперы і балета.

У 1933—1041 і 1943—1961 — артыст Дзяржаўнага тэатра оперы і балета Беларусі.

У 1941—1943 гадах — саліст балета Свярдлоўскага тэатра музычнай камедыі  (руск.).

Творчасць

Адзін з вядучых характарных танцоўшчыкаў беларускай балетнай сцэны 1940 — 1950-х гадоў. Пластычная выразнасць, акцёрскае майстэрства дазвалялі Вяпрынскаму выконваць цэнтральныя ігравыя і мімічныя партыі ў балетах класічнага і савецкага рэпертуару. Сярод іх: Клод («Эсмеральда» Ц. Пуні), Брамін, Эспада («Баядэрка» і «Дон Кіхот» Л. Мінкуса), Бірбанта («Карсар» А. Адана), Нуралі, Гірэй («Бахчысарайскі фантан» Б. Асаф’ева), Лі-Шан-фу («Чырвоны мак» Р. Гліэра), Вільджон («Сцежкаю грома» К. Караева), Бармалей («Доктар Айбаліт» І. Марозава).

У нацыянальных балетах выконваў ролі Князя («Князь-возера» В. Залатарова), Макара («Салавей» М. Крошнера).

Сярод іншых работ танцавальныя нумары ў операх: палавецкія танцы («Князь Ігар» А. Барадзіна), іспанскі танец («Кармэн» Ж. Бізэ), мазурка, іспанскі танец («Лебядзінае возера» П. Чайкоўскага).

Зноскі