760-я партызанская брыгада імя М. Беразоўскага

760-я партызанская брыгада імя М. Беразоўскага (760-ы партызанскі атрад імя М. Беразоўскага) — пачала стварацца як 760-ы атрад у лютым 1942 года, з красавіка 1942 у Клічаўскім аператыўным цэнтры, з лістапада 1942 у 5-й Клічаўскай партызанскай брыгадзе, з мая 1943 у 6-й Магілёўскай брыгадзе, з ліпеня — асобны атрад Бялыніцкай ваенна-аператыўнай групы. У снежні 1942 года нададзена імя М. Беразоўскага^[1]. Дзейнічаў на акупіраванай тэрыторыі Клічаўскага, Бялыніцкага, Шклоўскага, Магілёўскага і Крупскага раёнаў. 30 чэрвеня 1944 года атрад (487 партызан) злучыўся з Чырвонай Арміяй. Пасля злучэння БШПР вызначыў атрад з верасня 1943 года як брыгаду ў складзе трох атрадаў.

760-я партызанская брыгада імя М. Беразоўскага
Гады існавання	1942—1944
Краіна	Беларуская ССР
Падпарадкаванне	Беларускі штаб партызанскага руху
Уваходзіць у	Клічаўскі аператыўны цэнтр Бялыніцкая ваенна-аператыўная група
Тып	партызаны
Функцыя	барацьба з нямецкімі акупацыйнымі ўладамі
Колькасць	487 партызан (30.6.1944
Дыслакацыя	Клічаўскі, Бялыніцкі, Шклоўскі, Магілёўскі, Купскі раёны
Войны	Вялікая Айчынная вайна
Камандзіры
Вядомыя камандзіры	Г. М. Колбнеў (загінуў); Р. І. Перасценка

Камандаванне

Камандзіры

• Г. М. Колбнеў (загінуў);
• Р. І. Перасценка.

Камісар

• В. М. Міхайлаў.

Начальнікі штаба

• І. Я. Лантухоў (загінў);
• М. А. Баранаў;
• К. І. Ражаў.

Гісторыя

Партызаны праводзілі баявыя дзеянні на чыгунках Барысаў — Орша, Орша — Магілёў, Магілёў — Асіповічы і на шашэйных дарогах. Удзельнічалі ў разгроме нямецкіх гарнізонаў у гарадскім пасёлку Клічаў і вёсцы Дручаны (красавік 1943), гарадскім пасёлку Бялынічы (верасень 1943). Вялі баі з карнікамі, абарончыя баі. 20 чэрвеня 1944 года ўдзельнічалі ў захопе чыгуначнага ўчастка Шклоў — Латва, падарвалі 846 рэек.

Гл. таксама

• Бялыніцкія аперацыі

Зноскі

1. М. Беразоўскі — адзін з арганізатараў атрада, загінуў у баі