Лугавы свірстун

Лугавы свірстун, конік лугавы (Anthus pratensis) — від птушак з сямейства сітаўкавых.

Лугавы свірстун
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Птушкі Падклас:  Нованёбныя Атрад:  Вераб’інападобныя Падатрад:  Пеўчыя вераб’іныя Сямейства:  Сітаўкавыя Род:  Конікі Від:  Лугавы свірстун
Міжнародная навуковая назва
Anthus pratensis Linnaeus, 1758
Арэал
Толькі гняздуе      Круглы год      Маршруты міграцыі      Раёны міграцыі
Ахоўны статус
Блізкія да ўразлівага становішча IUCN 3.1 Near Threatened : / 22718556
Сістэматыка на Віківідах Выявы на Вікісховішчы ITIS   178497 NCBI   45803 EOL   45513742 FW   368921

Апісанне

Даўжыня цела 14-15 см, размах крылаў 22-25 см. Аліўкава-карычневы, цела ў густыя рыскі, грудзі і бакі белаватыя. Кіпцюр задняга пальца доўгі і крыху загнуты. Вельмі падобны да ляснога свірстуна, а таксама плямістага, сібірскага і чырвонаваллёвага свірстуноў. Адрозніваецца голасам: ён не вельмі гучны пад час хвалістага палёту: «ціп-ціп-ціп-сі-сі-сі» — спачатку хутчэй, у другой частцы больш павольна. Позыў «іт-іт, іст», асцерагае далікатным, некалькі разоў паўтараемым «еіп».

Пашырэнне

Гнездавы арэал: Еўропа, акрамя паўднёвай часткі, Ісландыя, паўднёвае ўзбярэжжа Грэнландыі, паўночны захад Азіі (да р. Об), ізаляваныя папуляцыі ў гарах Грузіі і Арменіі. На Беларусі звычайны на гнездаванні пералётны і транзітна мігрыруючы від.

Насяляе лугі (асабліва часта ў рачных далінах), а таксама рознага тыпу адкрытыя тэрыторыі, парослыя травяністай расліннасцю, часам нізкімі дрэвамі. На поўначы — мохавую тундру з каменнем і балотамі, лясы з карлікавай бярозы, у гарах — пашы і лугі.

Месца зімовак: Заходняя і Паўднёвая Еўропа (Міжземнамор’е), Малая Азія, Каўказ, Блізкі Усход, Іран, Туркменія, Паўночная Афрыка. Заходнееўрапейскія і каўказскія папуляцыі аселыя.

Асаблівасці біялогіі

Корміцца насякомымі, дробнымі павукамі, малюскамі, насеннем травяністых раслін.

Гняздо ладзіць на зямлі каля асновы купіны траў, часта па краях равоў, з тонкай і сухой травы ці іншага расліннага матэрыялу, у высцілцы дробныя сухія травы і невялікая колькасць валосся, дыяметр — 7-10,5 см.

Яйкі (4-6, часам 3-7) крыху падоўжаныя, шаравата-зеленаватыя або шэра-белыя, карычневыя ці чырванаватыя, звычайна амаль цалкам пакрытыя шэра-карычневымі або карычневымі густымі і дробнымі плямкамі ці мазкамі. Памеры: 19 х 14,5 мм.

Падвіды

• A. p. pratensis — Грэнландыя, большая частка Усходняй Еўропы да р. Об, папуляцыi ў Грузіі і Арменіі;
• A. p. whistleri (A. p. theresae) — Ірландыя і захад Шатландыі.

Літаратура

• Конік лугавы // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз.

Спасылкі

• Дзікая прырода побач(недаступная спасылка)