Кізільнік аднакветны

Кізі́льнік аднакветны^[1] (Cotoneaster uniflorus) — від кветкавых раслін роду Кізільнік (Cotoneaster) сямейства Ружавыя (Rosaceae).

Кізільнік аднакветны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ружакветныя Сямейства:  Ружавыя Падсямейства:  Слівавыя Трыба:  Яблыневыя Род:  Кізільнік Від:  Кізільнік аднакветны
Міжнародная навуковая назва
Cotoneaster uniflorus Bunge
Сінонімы
Cotoneaster integerrimus var. uniflorus (Bunge) C.K.Schneid.
Сістэматыка на Віківідах Пошук выяў на Вікісховішчы ITIS   836604 EOL   634313 GRIN   t:11818 IPNI   722721-1 TPL   rjp-6750

Батанічнае апісанне

Раскідзісты лістападны куст вышынёй да 0,5^[1] м. Маладыя парасткі апушаныя. Лісце простае, суцэльнае, на чаранках, цёмна-зялёнае зверху, больш светлае, жаўтаватае, валасістае ці голае знізу. Кветкі з пяццю^[2] пялёсткамі, зеленавата-белыя або ружаватыя, паніклыя, па 1—2 на голых кветаносах у пазухах лісця. Плод — сакаўны яблык аранжава-чырвонага колеру, з 3—4 костачкамі.

Распаўсюджанне і экалогія

Расліна распаўсюджана на паўночным усходзе Еўропы, на Урале, Алтаі, захадзе Кітая, паўночным захадзе Манголіі, у Сярэдняй Азіі. Расце на стэпавых камяністых схілах гор, камяністых россыпах і скалах. Цвіце ў чэрвені^[1]. Плады паспяваюць у жніўні—верасні^[1].

Ахоўваецца ў Расіі на тэрыторыі на тэрыторыі Ненецкай аўтаномнай акругі і Рэспублікі Комі^[2][3].

Дэкаратыўная расліна.

Зноскі

1. Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз.
2. Кизильник одноцветковый: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
3. Cotoneaster uniflorus Bunge // ИАС «ООПТ России» (руск.)