Пядзенікі

Пя́дзенікі (Geometridae) — сямейства матылёў.

Пядзенікі
Стрэлкавы пядзенік (Gagitodes sagittata)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Матылі Падатрад:  Glossata Секцыя:  Cossina Падсекцыя:  Bombycina Надсямейства:  Geometroidea Сямейства:  Пядзенікі
Міжнародная навуковая назва
Geometridae
Сістэматыка на Віківідах Выявы на Вікісховішчы ITIS   117556 NCBI   82593 EOL   827 FW   136330

Біялагічнае апісанне

Размах крылаў да 8 см. Афарбоўка разнастайная. Вусені шараватыя або зеленаватыя, нагадваюць сучкі, галінкі, сцяблінкі (яскравы прыклад мімікрыі), маюць звычайна 2 пары брушных ног. Пры перамяшчэнні дугападобна выгінаюць цела ўверх — рухаюцца «пядзямі» (адсюль назва). Кормяцца лісцем, бутонамі, кветкамі, пупышкамі раслін; многія — паліфагі; ёсць драпежнікі.

Арэал і экалогія

Налічваецца каля 15 тысяч відаў. Пашыраны ўсюды, акрамя Антарктыды, найбольш у трапічных і шыракалістых лясах. Пераважна змрокавыя і начныя матылі. На Беларусі больш за 12 родаў, каля 300 відаў. Найбольш трапляюцца: пядзенік асенні (Ennomos autumnaria), пядзенік зімовы (Operophtera brumata), пядзенік хваёвы (Bupalus piniaria), пядзенік чубаты (Colotois pennaria), пядзенік яловы вуглакрылы (Macaria signaria) і інш.

Значэнне

Некаторыя віды — шкоднікі лесу і сельскагаспадарчых раслін.

Гл. таксама

• Xanthorhoe fluctuata
• Celenna festivaria
• Iotaphora admirabilis

Літаратура

• Максімава С. Пядзенікі // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).