Герань багемская

Герань багемская^[1][2] (Geranium bohemicum) — від раслін сямейства Гераніевыя (Geraniaceae), распаўсюджаны ў большай частцы Еўропы, а таксама Турцыі і Грузіі.

Герань багемская
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Геранекветныя Сямейства:  Гераніевыя Род:  Герань Секцыя:  Tuberosa Падсекцыя:  Mediterranea Від:  Герань багемская
Міжнародная навуковая назва
Geranium bohemicum
Сістэматыка на Віківідах Выявы на Вікісховішчы NCBI   314568 EOL   130384 IPNI   372829-1 TPL   kew-2822944

Апісанне

Аднагадовая травяністая расліна, 20-60 см вышынёй. Сцёблы прамыя, разам з хвосцікамі лісця коратка залозіста апушаныя і, акрамя таго, касматыя ад вельмі доўгіх далікатных адтапыраных валасінак. Лісце ў прыкаранёвай разетцы і на сцябле супраціўнае, часам адзінкавае. Прыкаранёвае лісце доўгачарашковае, звычайна вяне ў стадыі цвіцення. Сцябловае лісце ад доўга- да кароткачарашковага, прылісткавае. Ліставыя пласціны круглява-5-вугольныя, глыбока (3)5-7-лопасцевыя; лопасці шырокія, вяліказубчастыя^[2][3].

Кветкі похвенныя парамі або на канцы сцябла, радыяльна сіметрычныя, 15-20 мм шырынёй. Чашалісцікаў 5, цёмна-жыльныя, валасістыя, шчаціністыя на канцы, разгалістыя, амаль такой жа даўжыні, што і пялёсткі, значна ўзрастаюць на стадыі плоданашэння. Пялёсткаў 5, 10-12 мм даўжынёй, фіялетавыя, цёмна-жыльныя, з зубчастымі кончыкамі. Тычынак 10. Плод: 5-дольны схізакарп, кончык дзюбападобны, згортваецца ў рулоне, калі спее; мерыкарпы глянцавыя, валасатыя^[2][3].

Распаўсюджанне

Від распаўсюджаны ў большай частцы Еўропы, а таксама Турцыі і Грузіі^[4][5][6].

Ва Украіне расце ў лясах, гаях, паміж хмызнякамі, асабліва на высечках, як пустазелле — у заходнім і правабярэжным Палессі, у лесастэпе, гарах Крыма, спарадычна^[2].

Таксанамія

Від Герань багемская ўваходзіць у род Герань (Geranium) сямейства Гераніевыя (Geraniaceae) парадку Геранекветныя (Geraniales).

яшчэ 4 сямействы (згодна з Сістэмай APG II)

яшчэ больш за 300 відаў

парадак Геранекветныя

род Герань

аддзел Кветкавыя, або Пакрытанасенныя

сямейства Гераніевыя

від Герань багемская

яшчэ 44 парадкі кветкавых раслін (згодна з Сістэмай APG II)

яшчэ 4 роды

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 58. — 160 с. — 2 350 экз.
2. Доброчаева Д. Н., Котов М. И., Прокудин Ю. Н., и др. Определитель высших растений Украины. — К.: Наукова думка, 1987. — С. 220. (руск.) (укр.)
3. luontoportti.com (англ.).
4. bgbm.org (англ.).
5. plantsoftheworldonline.org (англ.).
6. npgsweb.ars-grin.gov (англ.).