Саксаул

Саксау́л^[1] (Halóxylon), (каз.: Сексеуіл/Sekseuil) — род кветкавых раслін сямейства Аксамітнікавыя (Amaranthaceae).

Саксаул
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гваздзікакветныя Сямейства:  Аксамітнікавыя Падсямейства:  Salsoloideae Трыба:  Salsoleae Род:  Саксаул
Міжнародная навуковая назва
Haloxylon Bunge, 1851
Сістэматыка на Віківідах Выявы на Вікісховішчы NCBI   151229 EOL   2872976 IPNI   6885-1

Апісанне

Хмызнякі або невялікія дрэвы (вышынёй 1,5— 2 м) з вільчатым галінаваннем і членістымі ломкімі маладымі парасткамі. Фотасінтэз ажыццяўляюць зялёныя галіны. Кветкі абодваполыя, сядзяць па 4 у пазухах лускападобных прыкветкаў. Калякветнік з 5 плёнкавых лісточкаў, якія ўтвараюць ў плодзе (арэшку) крылы. Каранёвая сістэма магутная, добра развітая. Бакавыя карані сыходзяць у глебу на глыбіню 10—11 метраў. Ствол няроўны, моцны, але крохкі. Колер кары белы, чорны, ці карычневы.

Віды

Паводле базы дадзеных The Plant List на 2013 год, род уключае 9 відаў^[2]:

• Haloxylon ammodendron (C.A.Mey.) Bunge ex Fenzl — Саксаул чорны
• Haloxylon griffithii (Moq.) Boiss.
• Haloxylon negevensis (Iljin & Zohary) Boulos
• Haloxylon persicum Bunge ex Boiss. & Buhse — Саксаул белы
• Haloxylon salicornicum (Moq.) Bunge ex Boiss.
• Haloxylon schmittianum Pomel
• Haloxylon stocksii (Boiss.) Benth. & Hook.f.
• Haloxylon tamariscifolium (L.) Pau

Усе віды распаўсюджаныя ў паўпустынях і пустынях Азіі. У Казахстане і Сярэдняй Азіі расце два віды: саксаул белы (Haloxylon persicum) і белы (Haloxylon ammodendron)^[3].

Зноскі

1. БелЭн 2002.
2. Haloxylon (англ.). The Plant List (3 кастрычніка 2013). Праверана 28 мая 2018.
3. Ареал саксаула зайсанского (Haloxylon ammodendron (C.A.Mey) Bunge) (нявызн.). Проект «Агроэкологический атлас России и сопредельных стран: экономически значимые растения, их болезни, вредители и сорные растения» (17 верасня 2007). Праверана 28 мая 2018.