Чаромха Маака

Чаромха Маака^[1] (Prunus maackii; таксама Padus maackii^[2][3]) — від двухдольных раслін роду Сліва (Prunus) сямейства Ружавыя (Rosaceae). Від упершыню апісаны ў 1857 годзе расійска-аўстрыйскім батанікам Францам Іванавічам Рупрэхтам  (руск.)^[4][5].

Чаромха Маака
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ружакветныя Сямейства:  Ружавыя Падсямейства:  Слівавыя Трыба:  Amygdaleae Род:  Сліва Від:  Чаромха Маака
Міжнародная навуковая назва
Prunus maackii Rupr., 1857
Сінонімы
Padus maackii (Rupr.) Kom. & Aliss.
Сістэматыка на Віківідах Выявы на Вікісховішчы ITIS   836674 NCBI   140657 EOL   628568 GRIN   t:30033 IPNI   729924-1 TPL   rjp-7078

Распаўсюджанне, апісанне

Лісце і суквецці чаромхі Маака

У дзікай прыродзе сустракаецца ў Расіі (Далёкі Усход: Прыморскі край, Амурская вобласць^[6]), Кітайскай Народнай Рэспубліцы (правінцыі Хэйлунцзян, Гірын, Ляанін) і на Карэйскім паўвостраве^[6][7].

Дрэва, 4-10 м, вышынёй^[7] (да 15 метраў паводле некаторых крыніц^[1]). Парасткі прамыя, часам апушаныя; лістаразмяшчэнне чарговае. Лісце простае, з вострай верхавінай і зубчастымі бакамі, апушанае, авальнай або эліптычнай і яйкападобнай формаў; залозкі кропкавыя. Суквецце гронкападобнае. Кветкі белыя, памерам да 1 см, з пяццю пялёсткамі. Плады — касцянка, ягада; колер пладоў чырвоны (калі няспелыя), фіялетавы, ліловы (спелыя плады), таксама чорны^[1].

Экалогія

Расце ля абочын дарог, у парках, садах, ля берагоў рэк, на лясных палянах і ўзлесках, у цёмнахвойных і шыракалістых лясах^[1].

Па адносінах да вільгаці — мезафіт, да харчавання — мезатроф або эўтроф. Святлалюбная, ценевынослівая расліна^[1].

Значэнне, колькасць

Культывуецца^[6]; таксама вырошчваецца як дэкаратыўная, лекавая, тэхнічная расліна. Асобныя часткі расліны ядомыя^[1].

Занесены ў Чырвоную кнігу Прыморскага краю^[1].

Сінонімы

Сінанімічныя назвы^[4]:

• Cerasus maackii (Rupr.) Eremin & Simagin
• Laurocerasus maackii (Rupr.) C. K. Schneid.
• Padus maackii (Rupr.) Kom. & Aliss.

Зноскі

1. Чаромха Маака: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
2. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 92. — 160 с. — 2 350 экз.
3. Черемуха
4. Чаромха Маака: звесткі пра назву таксона на сайце The Plant List (version 1.1, 2013). (англ.)
5. Tropicos | Name — Prunus maackii Rupr
6. Чаромха Маака: інфармацыя на сайце GRINАрхіўная копія (нявызн.). Архівавана з першакрыніцы 20 студзеня 2009. Праверана 30 ліпеня 2019.
7. Padus maackii in Flora of China @ efloras.org