Сціснутабрухі

Сціснутабрухі (Sympetrum) — род сямейства сапраўдных стракоз. Каля 150 відаў. Пашыраны ўсюды (за выключэннем Арктыкі і засушлівых абласцей) паблізу вадаёмаў. Лічынкі жывуць у стаячых або павольнаплынных водах. На Беларусі 5 відаў; страказа перавязаная (Sympetrum pedemontanum) занесены ў Чырвоную кнігу Беларусі.

Сціснутабрухі
Сціснутабрух Фонскаломба (Sympetrum fonscolombii)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Paleoptera Атрад:  Стракозы Падатрад:  Epiprocta Інфраатрад:  Разнакрылыя Надсямейства:  Libelluloidea Сямейства:  Сапраўдныя стракозы Падсямейства:  Sympetrinae Род:  Сціснутабрухі
Міжнародная навуковая назва
Sympetrum Newman, 1833
Сістэматыка на Віківідах Выявы на Вікісховішчы ITIS   101976 NCBI   6968 EOL   15942 FW   281210

Апісанне

Даўжыня брушка 18-28 мм, задніх крылаў 21-29 мм. Афарбоўка разнастайная, акрамя блакітнай і зялёнай. Крылы з шырокай цёмнай перавяззю перад вяршыняй. Брушка ў самцоў чырвонае, у самак жоўтае. Лічынкі валасатыя або амаль голыя. Драпежнікі.

Літаратура

• Сціснутабру́хі // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 310. — 10 000 экз. — ISBN 985-11-0035-8. — ISBN 985-11-0251-2 (т. 15).