Vivaldi

Vivaldi (бел.: Вівальдзі) — прапрыетарны бясплатны кросплатформавы браўзер, створаны кампаніяй Vivaldi Technologies, заснаванай былым CEO і стваральнікам Opera Software Йонам Стефенсанам фон Тэчнерам.^[8] Браўзер накіраваны на аматараў інтэрнэт-тэхналогій, карыстальнікаў, якім патрэбны больш, чым проста браўзер, і карыстальнікаў папярэдніх версій браўзера Opera, раззлаваных пераходам Opera з рухавіка Presto на Blink, што пазбавіла яго шматлікіх папулярных асаблівасцяў.^[8][9] Vivaldi мае мэтай аднавіць старыя, папулярныя функцыі і асаблівасці Opera 12, дадаючы новыя. Браўзер абнаўляецца штотыднёва і здолеў павялічыць папулярнасць з моманту запуску першай тэставай версіі 27 студзеня 2015.^[10]

Vivaldi
Тып	Вэб-браўзер
Распрацоўшчык	Vivaldi Technologies
Напісана на	C++[1]
Аперацыйная сістэма	Windows, macOS, Linux, Android
Мовы інтэрфейсу	Англійская, Арабская, Армянская, Беларуская, Балгарская, Вугорская, В'етнамская, Галісійская, Грэцкая, Іда, Інданэзійская, Італьянская, Ісландская, Іспанская, Карэйская, Кітайская (КНР), Кітайская (Тайвань), Латвійская, Лажбан, Македонская, Нарвежская (букмол), Нарвежская (нюнорск), Нідэрландская, Нямецкая, Партугальская (Бразільская), Партугальская (Партугалія), Польская, Пярсідская, Руская, Сербская, Славацкая, Славенская, Турэцкая, Украінская, Французская, Харватская, Чэшская, Шведская, Эстонская, Японская
Першы выпуск	27 студзеня 2015[2]
Апаратная платформа	IA-32, x64
Апошняя версія	Linux: 7.6 (3797.63) (8 кастрычніка 2025)[3] Android: 7.6 (3810.105) (9 кастрычніка 2025)[4] IOS: 7.6 (3810.91) (9 кастрычніка 2025)[4]
Тэставая версія	Android: 7.6 (3764.4) (29 ліпеня 2025)[5] IOS: 7.6 (3767.4) (1 жніўня 2025)[6] Linux: 7.6 (3772.3) (7 жніўня 2025)[7]
Стан	Актыўны
Ліцэнзія	Прапрыетарная бясплатная з open-source кампанентамі
Сайт	vivaldi.com
Медыяфайлы на Вікісховішчы

Гісторыя

Гісторыя браўзера Vivaldi пачалася з стварэння былым CEO кампаніі Opera Software Йонам Стефенсанам фон Тэчнерам віртуальнай супольнасці Vivaldi Community.^[11] Фон Тэчнер быў незадаволены тым, што Opera Software вырашыла закрыць супольнасць My Opera ў сакавіку 2014, бо ён меркаваў, што гэтая супольнасць дапамагла зрабіць браўзер Opera такім папулярным у свой час. Каб замяніць My Opera, фон Тэчнер запусціў аналагічную супольнасць з дыскусійным форумам, пляцоўкай для блогаў і іншымі вэб-сервісамі.

Пазней, 27 студзеня 2015, Vivaldi Technologies выпусціла першую тэставую версію браўзера Vivaldi.^[10] За першыя 10 дзён пасля выпуску Vivaldi быў спампаваны 500 000 раз, што, па словах фон Тэчнера, было «вельмі вялікім лікам, асабліва калі ўлічыць, што гэта ўсё яшчэ тэставая версія».^[12]

Выпуск стабільнай версіі 1.0 браўзера адбыўся 6 красавіка 2016 года^[13].

У снежні 2021 года Vivaldi стаў першым вэб-браўзерам для аперацыйнай сістэмы Android Automotive, якая выкарыстоўваецца ў электрамабілях Polestar 2 шведскага вытворцы электрамабіляў Polestar^[14]. У мэтах бяспекі браўзерам можна карыстацца, толькі калі аўтамабіль прыпаркаваны.

Асабістасці

Vivaldi мае мінімалістычны інтэрфейс з простымі шрыфтамі ды іконкамі, і каляровую схему, якая змяняецца суадносна з фонам і выглядам наведанай вэб-старонкі.^[15] Браўзер таксама дазваляе карыстальнікам самастойна наладжваць знешні выгляд і размешчанне асобных элементаў^[16], падтрымлівае групоўку ўкладак і жэсты камп’ютарнай мышшу.

Шэраг функцый, такіх як бакавая панэль, рэжым адлюстравання выяў на вэб-старонцы, нататкі, візуальныя ўкладкі, кошык з закрытымі ўкладкамі і шмат іншых былі перанесеныя з апошняй версіі браўзера Opera 12, зробленага на рухавічку Presto. Знешні выгляд браўзера Vivaldi таксама нагадвае Opera 12. Таксама Vivaldi мае беларускамоўны інтэрфейс.

Апошнія версіі Vivaldi маюць блакіроўшчык рэкламы і трэкераў, інтэграваны кліент электроннай пошты з падтрымкай пратаколаў IMAP і POP3, падтрымку пашырэнняў браўзера, якія выкарыстоўваюць WebExtensions API. Такім чынам, Vivaldi можа выкарыстоўваць пашырэнні, распрацаваныя для Google Chrome і Firefox, і карыстальнікі могуць усталёўваць пашырэнні непасрэдна з Інтэрнэт-крамы Chrome.

Гл. таксама

• Opera

Зноскі

1. Vivaldi browser: Interview with Jon Stephenson von Tetzchner — 2016. Праверана 11 кастрычніка 2018.
2. Vivaldi Tech Preview 1 Just Arrived — 2015. Праверана 26 лістапада 2020.
3. Minor update (4) for Vivaldi Desktop Browser 7.6 — 2025. Праверана 8 кастрычніка 2025.
4. Tetzchner J. v. Vivaldi 7.6 on Mobile: Smarter reading, better tabs, and a little polish where it counts — 2025. Праверана 10 кастрычніка 2025.
5. Speed Dial and Tab fixes – Vivaldi Android Browser snapshot 3764.4 — 2025. Праверана 11 жніўня 2025.
6. Custom search engine – Vivaldi iOS Browser snapshot 3767.4 — 2025. Праверана 11 жніўня 2025.
7. It’s not Friday yet – Vivaldi Browser snapshot 3772.3 — 2025. Праверана 11 жніўня 2025.
8. Shankland, Stephen. Ex-Opera CEO composes Vivaldi, a new Web browser (нявызн.). CNET. CBS Interactive (27 студзеня 2015). Архівавана з першакрыніцы January 27, 2015.
9. Minic, Ivan. Jon S. von Tetzchner: We will (re)create a browser you love. (нявызн.). Medium (10 лютага 2015).
10. Dagenborg, Joachim. Vivaldi browser hits 500,000 downloads in first 10 days (нявызн.). Reuters (6 лютага 2015). Архівавана з першакрыніцы February 8, 2015. Праверана May 2, 2015.
11. Shankland, Stephen. Ex-CEO picks up where Opera left off, launching Vivaldi site (нявызн.). CNET. CBS Interactive (23 студзеня 2014).
12. Dagenborg, Joachim. Vivaldi browser hits 500,000 downloads in first 10 days (нявызн.). Reuters (6 лютага 2015). Архівавана з першакрыніцы 8 February 2015. Праверана 2 May 2015.
13. Vivaldi 1.0: Not for everybody, just you (англ.). Vivaldi Browser (6 красавіка 2016). Праверана 9 кастрычніка 2024.
14. Vivaldi in Polestar: The first browser for Android Automotive OS (англ.). Vivaldi Browser (20 студзеня 2022). Праверана 9 кастрычніка 2024.
15. Lardinois, Frederic. Vivaldi Is Quickly Becoming The Alternative Browser To Beat (нявызн.). TechCrunch (8 сакавіка 2015).
16. Brinkmann, Martin. Latest Vivaldi snapshot introduces interface scaling (нявызн.). Ghacks (2 чэрвеня 2015). Праверана June 19, 2015.