Ігар Анатольевіч Камароў

У Вікіпедыі ёсць артыкулы пра іншых людзей з прозвішчам Камароў.

Ігар Анатольевіч Камароў (нар. 25 мая 1964, Энгельс, Саратаўская вобласць, РСФСР, СССР) — расійскі дзяржаўны дзеяч, прамысловец, фінансіст і кіраванец. Паўнамоцны прадстаўнік Прэзідэнта Расійскай Федэрацыі ў Прыволжскай Федэральным акрузе з 7 верасня 2018 года.

Ігар Анатольевіч Камароў
руск.: Игорь Анатольевич Комаров
Паўнамоцны прадстаўнік Прэзідэнта Расійскай Федэрацыі ў Прыволжскай федэральнай акрузе з 7 верасня 2018
Прэзідэнт	Уладзімір Уладзіміравіч Пуцін
Папярэднік	Міхаіл Віктаравіч Бабіч
Намеснік міністра навукі і вышэйшай адукацыі Расійскай Федэрацыі 10 ліпеня 2018 — 7 верасня 2018
Генеральны дырэктар Дзяржаўнай карпарацыі па касмічнай дзейнасці «Раскосмас» 21 студзеня 2015 — 24 мая 2018
Папярэднік	пасада заснавана
Пераемнік	Дзмітрый Алегавіч Рагозін
Нараджэнне	25 мая 1964(1964-05-25) (61 год) Энгельс, Энгельскі раён[d], Саратаўская вобласць, РСФСР, СССР
Партыя	Адзіная Расія
Адукацыя	эканамічны факультэт МДУ[d]
Месца працы	Ministry of Science and Higher Education[d]
Узнагароды
Медыяфайлы на Вікісховішчы

Прэзідэнт «АВТОВАЗ» (2009—2013). Кіраўнік аб’яднанай ракетна-касмічнай карпарацыі (ОРКК) (14 сакавіка 2014 — 21 студзеня 2015). Генеральны дырэктар Дзяржаўнай карпарацыі па касмічнай дзейнасці «Раскосмас» (21 студзеня 2015 — 24 мая 2018).

Біяграфія

У 1986 годзе скончыў Маскоўскі дзяржаўны ўніверсітэт імя М. В. Ламаносава па спецыяльнасці «Эканаміст»^[1].

З 1992 года па 2002 год працаваў у крэдытна-фінансавых установах на кіруючых пасадах («Інкомбанк», «Нацыянальны рэзервовы банк», «Ашчадбанк»).

С 2002 года па 2008 год з’яўляўся намеснікам генеральнага дырэктара ААТ «Горна-металургічная кампанія „Нарыльскі нікель“» па эканоміцы і фінансах^[1].

З кастрычніка 2008 года займаў пасаду саветніка генеральнага дырэктара Дзяржаўнай карпарацыі «Растэхналогіі», ў маі 2009 года быў прызначаны выканаўчым віцэ-прэзідэнтам ААТ «АЎТАВАЗ», а 28 жніўня 2009 года — прызначаны прэзідэнтам гэтай кампаніі^[1].

1 кастрычніка 2009 года абраны старшынёй савета дырэктараў ЗАТ «Джы Эм-АЎТАВАЗ»^[2]. 16 кастрычніка 2013 года абвасціў аб сваім сыходзе з пасады прэзідэнта ААТ «АЎТАВАЗ». Фармальна свой сыход з пасады прэзідэнта аўтамабільнага канцэрна ён абгрунтаваў пераходам на новую працу, на пасаду прэзідэнта Аб’яднанай ракетна-касмічнай карпарацыі.

За час працы прэзідэнтам АўтаВАЗа — з 2009 па 2013 гады, Ігар Камароў і яго каманда правялі рэформы па кардынальнай перабудове аўтамабільнага завода^[3].

23 кастрычніка 2013 года распараджэннем Старшыні Урада Расійскай Федэрацыі Д. А. Мядзведзева прызначаны намеснікам кіраўніка Федэральнага касмічнага агенцтва (Раскосмас)^[4].

У сакавіку 2014 года прызначаны ўрадам кіраўніком аб’яднанай ракетна-касмічнай карпарацыі.

21 студзеня 2015 года ўзначаліў Дзяржкарпарацыю «Раскосмас»^[5].

24 мая 2018 года Указам Прэзідэнтам Расійскай Федэрацыі звольнены з пасады генеральнага дырэктара Дзяржкарпарацыі «Раскосмас»^[6].

З 11 ліпеня па 7 верасня 2018 года — намеснік міністра навукі і вышэйшай адукацыі РФ^[7].

7 верасня 2018 года прызначаны паўнамоцным прадстаўніком Прэзідэнта Расійскай Федэрацыі ў Прыволжскай федэральнай акрузе^[8].

Узнагароды

• Ордэн Гонару (27 кастрычніка 2012 года) — за дасягненыя працоўныя поспехі і шматгадовую добрасумленную працу.^[9]
• Кавалер Ордэна Ганаровага Легіёна (Францыя), 2011.^[10]
• Ордэн Достык I ступені (2015, Казахстан).^[11]

Зноскі

1. Президентом АВТОВАЗа назначен Игорь Комаров Інфармацыйнае агенцтва amik.ru
2. Президент АВТОВАЗ избран председателем совета директоров «Джи Эм-АВТОВАЗ» Архівавана 18 чэрвеня 2009..
3. Игорь Комаров: три года у руля АВТОВАЗа. // Часопіс «За рулём»
4. Бывший президент «АвтоВАЗа» назначен заместителем главы Роскосмоса.
5. Попытка № 5 Из Роскосмоса и ОРКК создадут восьмую по счету госкорпорацию в стране
6. Указ Президента Российской Федерации от 24.05.2018 № 260 "О Комарове И.А." (нявызн.). publication.pravo.gov.ru. Праверана 25 мая 2018.
7. https://ria.ru/politics/20180711/1524392267.html
8. Игорь Комаров назначен полпредом Президента в Приволжском федеральном округе / kremlin.ru
9. Указ Президента Российской Федерации от 27 октября 2012 года № 1449 «О награждении государственными наградами Российской Федерации»
10. Игорь Комаров стал кавалером Ордена Почётного легиона (нявызн.)(недаступная спасылка). Архівавана з першакрыніцы 12 лютага 2019. Праверана 24 верасня 2018.
11. Указ Президента Республики Казахстан от 3 декабря 2015 года Архівавана 12 студзеня 2016.