Інстытут кіраўніцкіх кадраў Акадэміі кіравання пры Прэзідэнце Рэспублікі Беларусь

Інстытут кіраўніцкіх кадраў — структурнае падраздзяленне Акадэміі кіравання пры Прэзідэнце Рэспублікі Беларусь. Размяшчаецца ў Мінску па адрасе Маскоўская вуліца, 17^[1]. Інстытут ажыццяўляе падрыхтоўку, перападрыхтоўку і павышэнне кваліфікацыі спецыялістаў у сферы дзяржаўнага кіравання^[1].

Інстытут кіраўніцкіх кадраў
Акадэмія кіравання пры Прэзідэнце Рэспублікі Беларусь
Ранейшыя назвы	Інстытут дзяржаўнага кіравання
Заснаваны	2000
Дэкан	Сяргей Валер’евіч Апанасевіч
Месцазнаходжанне	Мінск, Беларусь
Адрас	вул. Маскоўская, 17
pac.by/about/structure/i…

Гісторыя

Інстытут дзяржаўнага кіравання быў створаны ў 2000 годзе па даручэнні Прэзідэнта Рэспублікі Беларусь на базе факультэта менеджменту, які дзейнічаў з 1992 года^[2]. У адпаведнасці з Указам Прэзідэнта Рэспублікі Беларусь ад 2 чэрвеня 2009 года № 275 быў пераўтвораны з Інстытута дзяржаўнага кіравання ў Інстытут кіраўніцкіх кадраў^[1].

Адукацыйная дзейнасць

Інстытут рыхтуе спецыялістаў на базе сярэдняй, сярэдняй спецыяльнай і вышэйшай адукацыі. Падрыхтоўка вядзецца на дзвюх ступенях вышэйшай адукацыі і ўключае праграмы бакалаўрыяту і магістратуры^[1].

Спецыяльнасці бакалаўрыяту

• Дзяржаўнае кіраванне і права (дзённая і завочная формы);
• Дзяржаўнае кіраванне і эканоміка (дзённая і завочная формы);
• Кіраванне інфармацыйнымі рэсурсамі (дзённая форма);
• Сацыяльныя камунікацыі ў дзяржаўным кіраванні (завочная форма);
• Інфармацыйна-аналітычнае забеспячэнне дзяржаўнага кіравання (завочная форма).

Магістратура

Падрыхтоўка ў магістратуры вядзецца ў навукова-арыентаванай форме па напрамках:

• Дзяржаўнае кіраванне;
• Дзяржаўнае кіраванне і эканоміка;
• Дзяржаўнае кіраванне і права;
• Менеджмент.

Структура

У склад Інстытута ўваходзяць^[1]:

• кафедра моўнай камунікацыі;
• кафедра канстытуцыйнага і адміністрацыйнага права;
• кафедра эканамічнай палітыкі і дзяржаўнага кіравання;
• кафедра грамадзянскага і гаспадарчага права;
• кафедра сацыяльна-гуманітарных і гісторыка-прававых дысцыплін;
• кафедра кіравання інфармацыйнымі рэсурсамі;
• кафедра фізічнай культуры;
• кафедра эканамічнага развіцця і менеджменту.

Кіраўніцтва[1]

• Сяргей Валер’евіч Апанасевіч — дырэктар
• Марына Аракелаўна Бабіцкая — намесніца дырэктара па вучэбнай рабоце
• Алена Генадзьеўна Дашкевіч — намесніца дырэктара па ідэалагічнай, выхаваўчай рабоце і сацыяльных пытаннях
• Таццяна Уладзіміраўна Жмакіна — намесніца дырэктара па навукова-метадычнай рабоце