Іхтамнет

Іхтамнет (ад рус. Их там нет — іх там няма) — рускамоўны мем і неалагізм, які ўзнік праз пастаяннае адмаўленне Расіяй сваёй вайсковай прысутнасці ў гібрыдных войнах супраць асобных краін і, перш за ўсё, — падчас інтэрвенцыі ў Крыме і ў канфлікце на ўсходзе Украіны. У СМІ тэрмін набыў папулярнасць і стаў агульнай назвай кадравых расійскіх вайскоўцаў без знакаў распазнання, якія бяруць удзел у баявых дзеяннях за мяжой^[1][2][3]. Упершыню паняцце «іхтамнет» у гісторыі сучаснай Расіі было сфармулявана прэзідэнтам Уладзімірам Пуціным 5 сакавіка 2014 года на прэс-канферэнцыі ў адказ на пытанне аб прыналежнасці вайскоўцаў, якія ажыццяўлялі ваенную аперацыю на тэрыторыі Крыма. Ён заявіў, што расійскіх салдат там няма^[4][5]. Пазней тэзіс аб адсутнасці расійскіх войскаў паўтораны Пуціным і аб удзеле расійскіх войскаў ва ўзброеным канфлікце на Данбасе^[6].

Гл. таксама

• Ветлівыя людзі

Зноскі

1. Дипломат рассказал о решении проблемы российского "ихтамнет" на Донбассе (нявызн.). unian.ua.
2. Ихтамнет: волонтеры рассекретили российских кадровых военных на Донбассе (фото) (нявызн.). unian.ua.
3. "Іхтамнєт": у Росії розповіли про захопленого у полон на Донбасі розвідника Агеєва. розслідування(укр.). Праверана 2017-08-21.
4. Путин: "В Крыму нет российских солдат. Это самооборона Крыма"
5. Путин продолжает нагло врать всему миру про «их там нет», окутывая население Донбассе все большей пропагандой (нявызн.). replyua.net (1 жніўня 2017).
6. Президент РФ: российских войск на Украине нет