Алена Канстанцінаўна Лябецкая

Алена Канстанцінаўна Лябецкая (2 (15) ліпеня 1903, Лягуцева^[d], Літоўскае генерал-губернатарства — 28 студзеня 1982(1982-01-28)) — беларуская палітычная і грамадская дзяячка, мемуарыстка.

Алена Канстанцінаўна Лябецкая
Род дзейнасці	мемуарыстка
Дата нараджэння	2 (15) ліпеня 1903
Месца нараджэння	Лягуцева[d], Слонімскі павет, Гродзенская губерня, Літоўскае генерал-губернатарства, Расійская імперыя
Дата смерці	28 студзеня 1982(1982-01-28) (78 гадоў)
Грамадзянства	Расійская імперыя  Польская Рэспубліка  Беларуская ССР  СССР
Муж	Павел Сцяпанавіч Крынчык

Актывістка Таварыства беларускай школы (ТБШ) у Заходняй Беларусі. Жонка палітыка Паўла Крынчыка. З лістапада 1927 года сакратарка Слонімскай акруговай управы ТБШ. За сваю дзейнасць арыштавана польскімі ўладамі ў 1928 годзе. У 1929 годзе дэлегат 1-га антыфашысцкага кангрэса ў Берліне; дэлегат Еўрапейскага сялянскага кангрэса. Зноў арыштавана ў лютым 1930 года; асуджана на 6 гадоў зняволення.

З 1933 года ў выніку абмену палітвязнямі ў БССР. Працавала ў ЦК Міжнароднай арганізацыі дапамогі барацьбітам рэвалюцыі Беларусі. Арыштавана НКУС 14 кастрычніка 1937 года, асуджана як «агент разведвальных органаў буржуазнай Польшчы» да 5 гадоў лагераў. Адбывала пакаранне ў лагеры ва Усходняй Сібіры.

Вярнулася на Слонімшчыну ў 1947 годзе, рэабілітавана ў 1956 годзе^[1]. У пасляваенны час пісала ўспаміны.

Творы

• Дзейнасць гурткоў «Таварыства беларускай школы» // У суровыя гады падполля. Мн., 1958;
• Иного пути не было // Вильнюсское подполье. — Вильнюс, 1966.