Аляксандр Эдуардавіч Зубкоўскі

Аляксандр Зубкоўскі (нар. 3 чэрвеня 1962, Мінск) — беларускі футбаліст, нападнік. Пасля завяршэння кар’еры працаваў некаторы час спартыўным дырэктарам БАТЭ.

Аляксандр Зубкоўскі
Поўнае імя	Аляксандр Эдуардавіч Зубкоўскі
Нарадзіўся	3 чэрвеня 1962(1962-06-03) (63 гады) Мінск, Беларуская ССР, СССР
Грамадзянства	Беларусь
Рост	178 см
Вага	72 кг
Пазіцыя	нападнік
Клубная кар’ера[* 1]
1984—1991 Прамень (Мінск) 1992 Прамень (Мінск) 14 (3) 1992 Беларусь (Мар’іна Горка) 11 (1) 1993 Станкабудаўнік (Смаргонь) 7 (1) 1993—1995 Сантанас (Самахвалавічы) 34 (10) 1995 Рыбак (Старадубскае) 5 (4) 1996 БАТЭ (Барысаў) 23 (7) 1997 Змена-БАТЭ (Мінск) 5 (1)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.

У Вікіпедыі ёсць артыкулы пра іншых людзей з прозвішчам Зубкоўскі.

Клубная кар’ера

Выхаванец сталічнай футбольнай школы моладзі (ФШМ). Пасля яе завяршэння ўваходзіў у склад зборнай БССР — «Працоўныя рэзервы». Вялікую частку сваёй кар’еры правёў у сталічным «Промні», які выступаў у чэмпіянаце БССР сярод працоўных калектываў. Пасля здабыцця краіны суверэнітэту гуляў у мар’інагорскай «Беларусі», смаргонскім «Станкабудаўніку», самахвалавіцкім «Сантанасе». У сярэдзіне 1990-х гадоў адправіўся на Сахалін. Пасля вяртання з далёкаўсходняга турнэ атрымаў прапанову пра пераход у новаствораны барысаўскі БАТЭ.

28 красавіка 1996 года ў Ваўкавыску падчас дэбютнага матча БАТЭ ў чэмпіянаце краіны супраць мясцовай «Змены-01» Зубкоўскі ўвайшоў у гісторыю, як аўтар першага афіцыйнага гола. Завяршыў кар’еру ў 1997 годзе ў складзе «Змены-БАТЭ».

Пасля завяршэння кар’еры

З 1998 па 2004 года працаваў у БАТЭ адміністратарам, пазней начальнікам каманды. У 2005 годзе перайшоў на працу ў МТЗ-РІПА, дзе сумяшчаў пасады намесніка дырэктара клуба і начальніка каманды. У студзені 2009 года стаў спартыўным дырэктарам БАТЭ^[1], працаваў на гэтай пасадзе да сакавіка 2012 года^[2]. Пазней быў спартыўным дырэктарам у мінскім «Тарпеда».