Аляксандр Яўгенавіч Сазанкоў

Аляксандр Сазанкоў (нар. 18 сакавіка 1984, Магілёў) — беларускі футбаліст, нападнік клуба «Касцюковічы».

Аляксандр Сазанкоў
Поўнае імя	Аляксандр Яўгенавіч Сазанкоў
Нарадзіўся	18 сакавіка 1984(1984-03-18)[1] (41 год) Магілёў, Магілёўская вобласць, Беларуская ССР, СССР[2]
Грамадзянства	Беларусь
Рост	181 см
Вага	78 кг[1]
Пазіцыя	нападнік
Інфармацыя пра клуб
Клуб	Касцюковічы
Клубная кар’ера[* 1]
2000 Дняпро-2 (Магілёў) 11 (6) 2001—2009 Дняпро (Магілёў) 86 (22) 2010 Дынама (Мінск) 22 (5) 2010—2012 Лехія (Гданьск) 10 (1) 2013—2017 Дняпро (Магілёў) 82 (13) 2017 Орша 12 (1) 2018—2019 Горкі 19 (2) 2019 Орша 6 (0) 2023— Касцюковічы 2 (0)
Нацыянальная зборная[* 2]
2002 Беларусь (да 21) 2 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 30 мая 2023. Колькасць гульняў і галоў за нацыянальную зборную ў афіцыйных матчах

Клубная кар’ера

Выхаванец магілёўскага «Дняпра», з цягам часу стаў асноўным нападнікам каманды. У 2010 годзе гуляў за мінскае «Дынама» (дзе таксама быў асноўным нападнікам).

У верасні 2010 года перайшоў у гданьскую «Лехію». Не здолеў зайграць у чэмпіянаце Польшчы з-за траўмы і канфлікту з кіраўніцтвам клуба. У выніку ў верасні 2012 года разарваў кантракт з «Лехіяй».

Тады ж вярнуўся ў магілёўскі «Дняпро», але з-за судовых працэсаў з «Лехіяй» здолеў зайграць за «Дняпро» толькі ў сезоне 2013. Замацаваўся ў якасці асноўнага цэнтральнага нападніка (хоць нярэдка яго замяняў Дзмітрый Коўб), але за ўвесь сезон здолеў забіць толькі адзін гол.

Сезон 2014 пачаў выдатна — дубль Сазанкова ў браму «Гомеля» дазволіў магілёўскаму клубу выйсці ў паўфінал Кубка Беларусі. Але ў тым жа матчы ён атрымаў траўму, з-за якой прапусціў большую частку сезона. Вярнуўся на поле ў жніўні 2014 года і замацаваўся на пазіцыі цэнтральнага нападніка, але не здолеў выратаваць «Дняпро» ад вылету ў Першую лігу. У лютым 2015 года падоўжыў кантракт з «Дняпром»^[3]. У сезоне 2015 быў асноўным нападнікам клуба ў Першай лізе, але значную колькасць матчаў прапусціў з-за траўмы.

У лютым 2016 года зноў падоўжыў пагадненне з магіляўчанамі^[4]. У сезоне 2016 дапамог «Дняпру» выйсці ў Вышэйшую лігу. Пачатак сезона 2017 прапусціў з-за траўмы, вярнуўся на поле толькі ў чэрвені. У ліпені 2017 года пакінуў магілёўскі клуб^[5].

У жніўні 2017 года далучыўся да «Оршы», за якую выступаў да канца сезона 2017. У 2018—2019 гадах гуляў у складзе клуба Другой лігі «Горкі». У жніўні 2019 года зноў стаў іграком «Оршы»^[6], дзе гуляў да канца года, зрэдку выходзячы на замену ў канцы матча.

У пачатку 2021 года зноў быў заяўлены за «Горкі», аднак на полі не з’яўляўся. З пачатку 2023 года стаў выступаць за «Касцюковічы».

Міжнародная кар’ера

Выступаў за моладзевую зборную Беларусі.

Дасягненні

• 03 Бронзавы прызёр чэмпіянату Беларусі: 2009