Аляксандр Яўхімавіч Мангейм

Аляксандр Яўхімавіч Мангейм (1892, Мінск — 4 сакавіка 1959) — беларускі вучоны ў галіне хірургіі. Доктар медыцынскіх навук, прафесар.

Аляксандр Яўхімавіч Мангейм
Дата нараджэння	3 чэрвеня 1892(1892-06-03)
Месца нараджэння	Мінск, Мінскі павет, Мінская губерня, Расійская імперыя
Дата смерці	4 сакавіка 1959(1959-03-04) (66 гадоў)
Месца смерці	Чарнаўцы, Chernivetska miska rada[d], Чарнавіцкая вобласць, УССР, СССР
Грамадзянства	СССР
Род дзейнасці	хірург
Навуковая сфера	хірургія
Месца працы	БДУ
Навуковая ступень	доктар медыцынскіх навук
Навуковае званне	прафесар
Альма-матар	Пражскі ўніверсітэт

У паняцця ёсць і іншыя значэнні, гл. Мангейм.

Біяграфія

Нарадзіўся ў сям’і службоўца. Скончыў класічную гімназію ў Мінску, Парыжскі медыцынскі інстытут^[1] (1914), быў ардынатарам адной з парыжскіх клінік.

У 1915 здаў дзяржаўныя іспыты на званне ўрача ў Дэрпцкім універсітэце. У часы вайны працаваў хірургам у расійскім войску.

У 1919—1921 — хірург Ігуменскай раённай бальніцы. З 1921 г. на медыцынскім факультэце Беларускага дзяржаўнага ўніверсітэта (з 1930 — Мінскі медыцынскі інстытут); ардынатар (1921—1924), асістэнт, пасля дацэнт хірургічнай клінікі пры ўніверсітэце (1924—1930), з 1934 — загадчык кафедры прапедэўтычнай^[ru] хірургіі.

У 1941—1945 гг. — на кафедры шпітальнай хірургіі Сталінабадскага медыцынскага інстытута^[ru] (у 1943—1945 — загадчык^[2]). У 1945—1955 — загадчык кафедры шпітальнай хірургіі Чарнавецкага медыцынскага інстытута^[3].

Працы

Навуковыя працы па пытаннях хірургіі дзіцячага ўзросту, гнойнай хірургіі і траўматалогіі.

• «Матэрыялы да вывучэння пытання па этыялогіі і патагенезе знявечвальных артрытаў» (1929, эксперыментальнае даследаванне)
• «Дзіцячая хірургія» (1933, падручнік)
• «Матэрыялы да вывучэння пытання па этыялогіі і патагенезе знявечвальных артрытаў» (1934, доктарская дысертацыя)
• «Патагенез, клініка і лячэнне ляктацыйнага мастыту» (1936, манаграфія)

Прэміі і ўзнагароды

Доктар медыцынскіх навук (1934), прафесар (1935).

Заслужаны дзеяч навукі Таджыкскай ССР (1945).

Ордэн Працоўнага Чырвонага Сцяга, медалі.

Ушанаванне памяці

У Чарнаўцах на доме, дзе жыў Аляксандр Мангейм, усталяваная памятная дошка.

Зноскі

1. Хадайніцтва праўлення БДУ аб прадастаўленні замежных камандзіровак прафесарам і выкладчыкам (нявызн.). Беларускі дзяржаўны ўніверсітэт (22 лютага 1927). Праверана 12 чэрвеня 2018.
2. Кафедра хирургических болезней №2 (руск.). ТГМУ имени Абуали ибни Сино (23 кастрычніка 2012). Праверана 12 чэрвеня 2018.
3. Погляд у історію кафедри (укр.)(недаступная спасылка). Історія кафедри. Кафедра хірургії №2 БДМУ. Архівавана з першакрыніцы 15 чэрвеня 2018. Праверана 12 чэрвеня 2018.