Андрэй Леапольдавіч Лянкевіч

Андрэ́й Леапольдавіч Лянке́віч (нар. 1981, Гродна) — беларускі фатограф, фотакарэспандэнт.

Андрэй Леапольдавіч Лянкевіч
Род дзейнасці	фатограф
Дата нараджэння	1981[1][2]
Месца нараджэння	Гродна, Гродзенская вобласць, Беларуская ССР, СССР
Грамадзянства	Беларусь
Месца працы	Наша Ніва Еўрапейскі гуманітарны ўніверсітэт Sputnik
Альма-матар	эканамічны факультэт БДУ (2004) Інстытут Каўказа[d] (2005)
Член у	Беларуская асацыяцыя журналістаў

У Вікіпедыі ёсць артыкулы пра іншых людзей з прозвішчам Лянкевіч.

Біяграфія

Скончыў у 2004 годзе эканамічны факультэт Беларускага дзяржаўнага ўніверсітэта^[3]. Скончыў праграму «World Press Photo» у Каўказскім інстытуце СМІ ў Ерэване (2005).

У верасні 2007 года быў запрошаны для ўдзелу ў майстар-класе праекту «Focus on Monferrato» ў Таскане (Італія). У чэрвені 2008 годзе браў удзел у праграме, якая падтрымліваецца «French Association Pour l’Instant», у рамках якой працаваў над праектам «Сучасныя інстытуты сям’і».

У 2009 годзе атрымаў Humanity Photo Awards за працу над праектам, прысвечаным беларускім паганскім традыцыям^[4]. У гэтым жа годзе праект увайшоў у 10-ку фіналістаў Magnum Expression Award. У 2009 годзе Андрэй атрымаў гран-пры ў Польскім конкурсе фатаграфіі, прысвечаным 170-годдзю фатаграфіі. У 2010 годзе перамог у фотаконкурсе АБСЕ, быў куратарам сустрэч з фатографамі Літвы^[5]. У 2011 годзе атрымаў 6 узнагарод у Belarus Press Photo^[6].

Фотакарэспандэнт «Нашай Нівы» ў 2002—2008 гадах. Супрацоўнічае з міжнароднымі фотаагенцтвамі. Здымкі выходзілі ў такіх выданнях, як «New York Times», «Le Figaro», «Newsweek», «Die Zeit», «Spiegel», «GEO», «International Herald Tribune», «Огонёк», «Московский комсомолец», «Известия», «Gazeta Wyborcza». З 2007 года выкладае курс па фотажурналістыцы ў Еўрапейскім гуманітарным універсітэце ў Вільні (Літва). З 2005 па 2010 год супрацоўнічаў з «European Pressphoto Agency» (EPA), у 2007 далучыўся да «Anzenberger Agency». У 2008 увайшоў у калектыў маладых фатографаў Sputnik. 

Сябра Беларускай асацыяцыі журналістаў.

Творчасць

12 лістапада 2010 года ў Мінску была прэзентавана кніга фотаздымкаў Андрэя Лянкевіча пра традыцыйныя абрады беларусаў «Паганства».

У 2012 годзе Андрэй Лянкевіч удзельнічаў у праекце «Радыус нуля» як адзін з 15-ці найбольш значных фотамастакоў Беларусі за 2000—2010 гады. Пазней у гэтым годзе праект Андрэя «Бывай, Радзіма» атрымаў гран-пры на партфоліа-рэвію «Kaunas Photo Star» у Каўнасе (Літва). У 2013 годзе Андрэй ініцыяваў выданне першай у гісторыі Беларусі кнігі пра маладую фатаграфіі «BY NOW», якая выйшла ў нямецкім выдавецтве Kehrer. У кастрычніку 2014 года Андрэй ініцыяваў Месяц фатаграфіі ў Мінску, у межах якога на 8-мі пляцоўках прайшло 12 выставак, 7 лекцый і прэзентацый, мультымедыя-паказы і фатапрэмія. У 2015—2016 гадах Андрэй быў мастацкім кіраўніком прасторы ЦЭХ. У гэтым годзе Андрэй атрымаў Гран-пры на «Восеньскім салоне» (Мінск, Беларусь) за калажы з праекту «Бывай, Радзіма».

Выстаўкі

Меў каля 60 выставак у Беларусі, Аўстрыі, Бельгіі, ЗША, Італіі, Літве, Нарвегіі, Германіі, Польшчы, Украіне, Францыі, Чэхіі, Швецыі, Эстоніі сярод іх — з праектам «Unknown Country» у рамках 3-га месяца Еўрапейскай фатаграфіі ў цэнтры культуры і мастацтва «Uferhallen», (Берлін, Германія), з праектам «У яго жаночае імя» ў Музеі сучаснага мастацтва ў Вене (Аўстрыя) і Музеі сучаснага мастацтва ў Варшаве^[ru] (Польшча), браў удзел у Беларускім павільёне Венецыянскай біенале ў Мінску (Беларусь). Таксама працы Андрэя былі паказаны на фестывалі ў Арлі ў 2012 годзе.

Зноскі

1. fotoCH

   <a href='https://wikidata.org/wiki/Track:Q107369423'></a>
2. Národní autority České republiky Праверана 8 чэрвеня 2022.

   <a href='https://wikidata.org/wiki/Track:Q13550863'></a>
3. Андрэй Леапольдавіч Лянкевіч у Зводным электронным каталогу бібліятэк Беларусі
4. Владимир Парфенок Серия фотографий Андрея Ленкевича стала призовой в конкурсе Humanity photo awards — 24.08.2009 (руск.)
5. Встречи — FotoLab (руск.)
6. Победители Пресс-Фото Беларуси 2011 (руск.)