Андрэй Якаўлевіч Малышаў

Андрэй Якаўлевіч Ма́лышаў^[3] (30 лістапада 1913, Мінск — 21 студзеня 1984) — вучоны ў галіне эканамічнай геаграфіі, кандыдат геаграфічных навук (1952), прафесар (1970). Заслужаны работнік вышэйшай школы БССР^[4] (1971).

Андрэй Якаўлевіч Малышаў
Дата нараджэння	30 лістапада 1913(1913-11-30)[1][2]
Месца нараджэння	Мінск, Мінскі павет, Мінская губерня, Расійская імперыя[2]
Дата смерці	21 студзеня 1984(1984-01-21)[1][2] (70 гадоў)
Грамадзянства	Расійская імперыя  СССР
Род дзейнасці	навуковец, выкладчык універсітэта
Навуковая сфера	геаграфія
Месца працы	БДУ
Навуковая ступень	кандыдат геаграфічных навук[2] (1952)
Навуковае званне	прафесар[d][2]
Альма-матар	БДПУ
Узнагароды

У Вікіпедыі ёсць артыкулы пра іншых людзей з прозвішчам Малышаў.

Біяграфія

Нарадзіўся ў Мінску. Скончыў школу, працаваў качагарам на паравозе^[5]. У 1939 годзе скончыў Мінскі педагагічны інстытут і паступіў у завочную аспірантуру. У тым жа 1939 годзе быў запрошаны на пасаду выкладчыка і намесніка дэкана^[5]. У 1941—1949 гг. ўзначальваў геолагаразведачную экспедыцыю па пошуку радовішчаў золата ў раёне горада Міяс на Урале і інш. У 1949—1979 гг. А. Я. Малышаў у Беларускім дзяржаўным універсітэце, з 1954 года на пасадзе прарэктара па навучальнай рабоце, а ў 1965—1966 гг. узначальваў кафедру эканамічнай геаграфіі геаграфічнага факультэта. У 1952 годзе ў Маскоўскім абласным педагагічным інстытуце абараніў кандыдацкую дысертацыю на тэму «Полесская область: экономико-географическая характеристика»^[5].

Навуковая дзейнасць

А. Я. Малышаву належаць працы па эканамічнай геаграфіі Беларускай ССР, праблемам транспарту і асушэння Палесся.

Сярод апублікаваных прац:

• Города и села Белорусской ССР. — Мн., 1959. (разам з В. А. Жучкевічам і Н. Я. Рагозіным)
• Прамысловасць Мінска (Эканоміка-геаграфічны нарыс) — Мінск: Выдавецтва БДУ, 1972. — 119, [1] с. — іл., табл.(разам з Л. А. Паўловіч)
• Транспорт и экономические связи // Георгафия Белоруссии. 2 изд. — Мн., 1977.

Узнагароды

• Ордэн Леніна (1976)
• 2 ордэны Працоўнага Чырвонага Сцяга (1961, 1980)
• 2 Ганаровая Граматы Вярхоўнага Савета БССР (1956, 1980)

Зноскі

1. Беларусь у асобах і падзеях Праверана 19 лістапада 2023.

   <a href='https://wikidata.org/wiki/Track:Q112702533'></a>
2. Беларуская энцыклапедыя: У 18 т. Т. 10: Малайзія — Мугаджары — Мн.: 2000. — С. 40. — 544 с. — ISBN 978-985-11-0169-2

   <a href='https://wikidata.org/wiki/Track:Q17398631'></a>
3. Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10.
4. Заслужаныя дзеячы(недаступная спасылка) // Сайт БДУ
5. Смоляков Г. С. А. Я. Малышев: учёный, организатор, человек Архівавана 18 мая 2018. (руск.)