Аўрамій i Меркурый Смаленскія (Басценавічы)

Аўрамій i Меркурый Смаленскія — абраз сярэдзіны XVIII стагоддзя са Свята-Успенскай царквы ў в. Басценавічы Мсціслаўскага раёна. Захоўваецца ў Нацыянальным мастацкім музеі Рэспублікі Беларусь^[1].

Басценавіцкі майстар
Аўрамій i Меркурый Смаленскія. 1723-1728
Матэрыял	дошка для жывапісу[d] і яечная тэмпера
Нацыянальны мастацкі музей Рэспублікі Беларусь
(інв. ДБЖ-79 а, б)

Сюжэт

Меркурый  (руск.) паказаны ў латах, зялёнай кашулі, чырвоным гімаціі, блакітных портках і Аўрамій у карычневым сподзе, ружовай кашулі, футры, з ружанцам у руцэ стаяць на беразе Дняпра і паказваюць на Смаленск, які размешчаны на супрацьлеглым беразе. У плане яго добра чытаецца белы з чырвонымі дахамі крэмль  (руск.) і размешчаныя ў ім сярод зеляніны каменныя, драўляныя цэрквы, пабудовы. Неба шэра-блакітнае з воблакамі. Фон пазалочаны з раслінным ляпным арнаментам. У рэльефным абрамленні ўкампанаваны абраз «Маці Божая Адзігітрыя Смаленская  (руск.)».

Паходжанне

Абраз выяўлены ў 1920 годзе ва Успенскай царкве в. Басценавічы Мсціслаўскага раёна Магілёўскай вобласці^[2].

Ікона раскрыта ў Дзяржаўнай цэнтральнай мастацкай рэстаўрацыйнай майстэрні І. М. Громавай, В. О. Кірыкавым, В. В. Філатавым  (руск.), Ф. А. Мадоравым, Л. І. Пятрэнкам, М. М. Памяранцавым у 1954—1956 гадах (Масква). Сталярная работа выканана А. П. Ягоравым^[2].

Выстаўкі

• Рэстаўрацыя музейных каштоўнасцей у БССР. Мінск. 1985
• Тэмперны жывапіс Беларусі XV—XVIII стст. Мінск. 1988
• Мастацтва барока ў Беларусі. Мінск. 1991
• Мастацтва Магілёўшчыны XVII—XVIII стст. Мінск. 1998
• Датаваныя помнікі мастацтва Беларусі XVII—XVIII стст. Мінск. 1999
• Мясцовашанаваныя на Беларусі абразы Божай Маці XIII—XVIII стст. Мінск. 1999
• Іканапіс і разьба Беларусі XV—XVIII стст. Мінск. 2000

Зноскі

1. Балыкина Е. Н. ШЕДЕВРЫ ИКОНОПИСИ БЕЛАРУСИ XII—XVIII ВВ. Архівавана 28 лютага 2021. (руск.)
2. Жывапіс барока Беларусі / Аўт.-склад. Н. Ф. Высоцкая. — Мн.: БелЭН; МФКД.2003. — 304 с.:іл. С. 41-42.