Брольніцкі сельсавет

Бро́льніцкі сельсавет — адміністрацыйна-тэрытарыяльная адзінка ў складзе Навагрудскага раёна Гродзенскай вобласці. Адміністрацыйны цэнтр — аграгарадок Брольнікі.

Брольніцкі сельсавет
Краіна	Беларусь
Статус	сельсавет
Уваходзіць у	Навагрудскі раён
Уключае	16 населеных пунктаў
Адміністрацыйны цэнтр	аграгарадок Брольнікі
Дата ўтварэння	12 кастрычніка 1940
Старшыня сельсавета	Макар Святлана Аркадзьеўна
Кіраўнік спраў	Жарко Валянціна Дзмітрыеўна
Афіцыйныя мовы	беларуская/руская
Насельніцтва (2019)	1 099
Часавы пояс	UTC+03:00
Тэлефонны код	+375 1597
Код аўтам. нумароў	4

Гісторыя

Утвораны 12 кастрычніка 1940 года як Гарадзечненскі сельсавет у складзе Навагрудскага раёна Баранавіцкай вобласці БССР. Цэнтр — вёска Гарадзечна. З 8 студзеня 1954 года ў складзе Гродзенскай вобласці. 10 ліпеня 1959 года да сельсавета далучана тэрыторыя скасаванага Куравіцкага сельсавета^[1]. 25 чэрвеня 2008 года Гарадзечненскі сельсавет перайменаваны ў Брольніцкі сельсавет, а адміністрацыйны цэнтр сельсавета перанесены з вёскі Гарадзечна ў вёску Брольнікі^[2].

22 жніўня 2017 года да Брольніцкага сельсавета далучана частка скасаванага Ваўковіцкага сельсавета (землі плошчай 4703 га і наступныя населеныя пункты: вёскі Агароднікі, Амневічы, Ваўковічы, Гаравічы, Мацешыцы, Рутка 2, Сянежыцы); са складу Брольніцкага сельсавета выключаны землі плошчай 4753 га і наступныя населеныя пункты: аграгарадок Гарадзечна, вёскі Брацянка, Іспась, Літоўка, Мотча, Сялец, Слабодка, Стары Лес, Сунчыцы, хутары Слухавічы, Эканомія, якія ўвайшлі ў склад Ладзеніцкага сельсавета^[3].

Склад

Па стану на 2017 год у склад сельсавета ўваходзілі 15 населеных пунктаў, пасля рэарганізацыі – 16 населеных пунктаў (01.01.2018 г.). У склад сельсавета ўваходзіла 20 населеных пунктаў (2009 г.):

Населены пункт	Статус	Насельніцтва, 2009[4]
Агароднікі	вёска	19*
Амневічы	вёска	50*
Брацянка	вёска	80**
Брольнікі	аграгарадок	305
Ваўковічы	вёска	207*
Гаравічы	вёска	87*
Гарадзечна	аграгарадок	424**
Іспась	вёска	16**
Клюкавічы	вёска	64
Краўцэвічы	вёска	15
Куравічы	вёска	77
Літоўка	вёска	12**
Мацешыцы	вёска	20*
Мольнічы	вёска	95
Мотча	вёска	57**
Несутычы	вёска	166
Прымень	вёска	8
Рутка 2	вёска	72*
Селішча	вёска	43
Слабодка	вёска	37**
Слухавічы	хутар	6**
Стары Лес	вёска	41**
Суляцічы	вёска	96
Сунчыцы	вёска	11**
Сялец	вёска	100**
Сянежыцы	вёска	69*
Эканомія	хутар	5**
* – у Ваўковіцкім с/с да 22.08.2017 г.; ** – з 22.08.2017 г. у Ладзеніцкім с/с

Насельніцтва

Насельніцтва сельсавета паводле перапісу 2009 года (20 населеных пунктаў) — 1658 чалавек^[5], з іх 95,1 % — беларусы, 2,8 % — палякі, 1,1 % — рускія, 0,6 % — цыганы^[6]; паводле перапісу 2019 года (16 населеных пунктаў) — 1099 чалавек^[7].

Насельніцтва, жыхароў: 1658 (2009 г.)^[4], 1087 (2017 г.), 1118 (2018 г.).

Арганізацыі і прадпрыемствы

• Сельскагаспадарчы вытворчы кааператыў «Нягневічы».

Гандаль і сфера паслуг

• паштовае аддзяленне сувязі ў аграгарадку Брольнікі, вёсцы Ваўковічы.
• крамы ў аграгарадках Брольнікі і Гарадзечна, вёсках Несутычы і Ваўковічы.

Установы аховы здароўя

• ФАП у Брольніках, Несутычах, Ваўковічах.

Культура

• Брольніцкі сельскі Дом культуры.

Славутасці

• Царква Успенія Прасвятой Багародзіцы ў вёсцы Ваўковічы.

Зноскі

1. Рашэнне выканкома Гродзенскага абласнога Савета дэпутатаў працоўных ад 10 ліпеня 1959 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1959, № 10.
2. Решение Гродненского областного Совета депутатов от 25 июня 2008 г. № 93 О решении вопросов административно-территориального устройства Новогрудского района
3. http://kodeksy-by.com/norm_akt/source-Гродненский%20облсовет/type-Решение/272-22.08.2017.htm Решение Гродненский облсовет 272 22.08.2017 О некоторых вопросах административно-территориального устройства Новогрудского района Гродненской области
4. Итоговые данные перепеси населения Республики Беларусь 2009 года Архівавана 31 кастрычніка 2021.
5. Колькасць насельніцтва населеных пунктаў Гродзенскай вобласці Беларусі паводле перапісу 2009 года
6. Этнічны склад насельніцтва сельсаветаў Беларусі паводле перапісу 2009 года
7. Колькасць насельніцтва населеных пунктаў Гродзенскай вобласці Беларусі паводле перапісу 2019 года