Брытанскае ўварванне

«Брытанскае ўварванне» (англ.: British Invasion) — тэрмін, які абазначае музычную з’яву сярэдзіны — другой паловы 1960-х, калі брытанская рок-музыка пачала дамінаваць як у нацыянальных, так і ў міжнародных (у асноўным амерыканскіх) чартах^[1][2]. Пачаткам з’явы прынята лічыць амерыканскі поспех сінгла The Beatles «I Want to Hold Your Hand» і далейшы візіт гурта ў Амерыку (у тым ліку ўдзел у шоў Эда Салівана). Канцом «брытанскага ўварвання» можна лічыць нарастанне папулярнасці псіхадэлічнага року ў 1966—1967 гадах, калі буйнейшыя амерыканскія псіхадэлічныя гурты The Byrds, The Doors, Grateful Dead, Jefferson Airplane змаглі аказаць годную канкурэнцыю брытанцам.

Важнейшыя гурты

• The Beatles — ключавы гурт 1960-х, уплыў якога на рок-музыку невымерны; падчас «брытанскага ўварвання» запісвалі мерсібіт і поп-рок.
• The Zombies — здолелі абярнуць агрэсіўнасць брытанскага біту, прад’яўленага ў тыя ж часы The Beatles, у прыгожыя мелоыді і ўзбуджальныя аранжыроўкі. Паводле музычнага крытыка Р. Мелцэра, яны былі «пераходным этапам паміж The Beatles і The Doors».
• The Rolling Stones — важнейшы рытм-н-блюзавы гурт 1960-х.
• The Who — адзін з «найцяжэйшых» гуртоў сярэдзіны 60-х, да канца дзесяцігоддзя яны наблізіліся да «класік-року», запісаўшы рок-оперу Tommy.
• The Kinks — аўтары двух самых першых хард-рок (ці «прота-хард-рок») хітоў, у сталы перыяд творчасці — родапачынальнікі брыт-попу.
• Small Faces — поруч з The Who і The Kinks адны з мод-ідэолагаў.
• The Pretty Things — пачаўшы з вострасацыяльнага рытм-н-блюзу і мод-ідэалогіі, да канца 1960-х перайшлі да псіхадэліі, запісаўшы ў тым ліку першую рок-оперу.
• The Yardbirds — адзін з ключавых гітарных гуртоў 1960-х, з якога выйшлі буйнейшыя гітарысты: Эрык Клэптан, Джэф Бек і Джымі Пейдж.
• Cream — поруч з The Yardbirds, адкуль Cream запазычылі Эрыка Клэптана, яны лічацца аднымі з заснавальнікаў хэві-металу (хард-року).
• Herman’s Hermits — адзін з наймякчэйшых па гучанні гуртоў «брытанскага ўварвання», меладычны вакальны поп.
• The Searchers — у пачатку «ўварвання» лічыліся мерсібіт-гуртом № 2 пасля The Beatles.
• The Hollies — яшчэ адны яскравыя прадстаўнікі мерсібіту.
• The Animals — гурт рытм-н-блюзавага гучання, які ўлетку 1964 года (услед за The Beatles) падняўся на першае месца ў ЗША з каверам «The House of the Rising Sun».

У культуры

• х/ф «Рок-хваля» (2009)

Спасылкі

• Сайт пра гурты «брытанскага ўварвання» (веб-архіў)
• Рок-музыка 60-70-х гадоў (веб-архіў)