Булаваносец

Булаваносец^[1][2] (Corynephorus) — род кветкавых раслін сямейства Метлюжковыя (Poaceae).

Булаваносец
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Метлюжковыя Род:  Булаваносец
Міжнародная навуковая назва
Corynephorus P.Beauv., 1812
Сістэматыка на Віківідах Выявы на Вікісховішчы ITIS   41598 NCBI   388700 EOL   66855 IPNI   331174-2

Батанічнае апісанне

Аднагадовыя і шматгадовыя травяністыя расліны са шматлікімі полымі сцёбламі (саломінамі) вышынёй 10—35 см. Лісце лінейна-ланцэтнае, згорутае, шчацінападобнае, шурпатае, у прыкаранёвай разетцы. Кветкі дробныя, у раскідзістых мяцёлках, складзеных з дробных каласкоў. Ніжняя лускавінка кветак з членістым булавападобным асцюком. Плод — сухая зярняўка жоўтага колеру.

Распаўсюджанне і выкарыстанне

Расліны роду распаўсюджаны ў Міжземнамор’і і на Сярэднім Усходзе. Кармавыя і дэкаратыўныя расліны. Выкарыстоўваюцца ў ландшафтным дызайне, у якасці замацавальнікаў пясчаных глебаў (утвараюць дзярніну)^[2].

Віды

Род налічвае 5^[2][3] відаў:

• Corynephorus canescens (L.) P.Beauv. — Булаваносец сіваваты, ці Булаваносец блакітны, ці Булаваносец сівы
• Corynephorus deschampsioides Bornm.
• Corynephorus divaricatus (Pourr.) Breistr. — Булаваносец растапыраны
• Corynephorus fasciculatus Boiss. & Reut.
• Corynephorus macrantherus Boiss. & Reut.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 41. — 160 с. — 2 350 экз.
2. Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3.
3. Corynephorus (англ.) // The Plant List