Вастралодачнік

Вастралодачнік, Вастралодка^[1] (Oxytropis) — род кветкавых раслін сямейства Бабовыя (Fabaceae).

Вастралодачнік
Вастралодачнік валасісты (Oxytropis pilosa)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Бабовакветныя Сямейства:  Бабовыя Падсямейства:  Матыльковыя Трыба:  Galegeae Падтрыба:  Astragalinae Род:  Вастралодачнік
Міжнародная навуковая назва
Oxytropis DC. (1802), nom. cons.
Сінонімы
Spiesia Neck., nom. inval. Spiesia Neck. ex Kuntze, nom. rej.
Сістэматыка на Віківідах Выявы на Вікісховішчы ITIS   26155 NCBI   20802 EOL   28122 GRIN   g:8711 IPNI   331824-2

Батанічнае апісанне

Шматгадовыя травяністыя расліны (часта без сцябла), паўкусцікі або калючыя, звычайна падушкападобныя кусцікі. Лісце чаргаванае, няпарнаперыстае, рэдка простае або трайчастае. Кветкі рознага колеру, у пазушных гронкападобных суквеццях. Лодачка на канцы выцягнутая ў вастрыё (адсюль назва). Плод — невялікі, звычайна аднагнездавы апушаны боб.

Арэал і віды

Налічваецца каля 400 відаў. Пашыраны пераважна ў Паўночным паўшар’і, у асноўным на поўдні ў гарах. На тэрыторыі Беларусі рэдка трапляецца вастралодачнік валасісты (Oxytropis pilosa).

Прымяненне

Дэкаратыўныя, кармавыя і лекавыя расліны.

Гл. таксама

• Oxytropis pseudoleptophysa

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 92. — 160 с. — 2 350 экз.