Васіль Мікалаевіч Еўцыхевіч

Васіль Мікалаевіч Еўцыхе́віч^[1] (23 сакавіка 1911 — 22 кастрычніка 1980) — вучоны, географ і педагог, кандыдат геаграфічных навук (1940).

Васіль Мікалаевіч Еўцыхевіч
Дата нараджэння	23 сакавіка 1911(1911-03-23)
Месца нараджэння	Свяцілаўка[d], Бохацкая воласць[d], Мсціслаўскі павет, Магілёўская губерня, Расійская імперыя
Дата смерці	22 кастрычніка 1980(1980-10-22) (69 гадоў)
Грамадзянства	Расійская імперыя,  СССР
Род дзейнасці	географ
Навуковая сфера	геаграфія
Месца працы	Амурскі гуманітарна-педагагічны дзяржаўны ўніверсітэт[d] Казахскі дзяржаўны ўніверсітэт імя С. М. Кірава МДУ імя А. А. Куляшова
Навуковая ступень	кандыдат геаграфічных навук
Навуковае званне	дацэнт
Альма-матар	Маскоўскі педагагічны дзяржаўны ўніверсітэт[d]

Біяграфія

Нарадзіўся ў ваколіцы Свяцілаўка Мсціслаўскага павета Магілёўскай губерні Расійскай імперыі. Скончыў сярэднюю школу і паступіў вучыцца на геаграфічны факультэт Маскоўскага педагагічнага інстытута, які скончыў у 1937 годзе. Скончыў аспірантуру і абараніў кандыдацкую дысертацыю.

Пасля Вялікай Айчыннай вайны працаваў выкладчыкам на Далёкім Усходзе і ў Казахстане, у тым ліку ў Амурскім педагагічным інстытуце^[2] і ў 1948—1951 гг. на пасадзе дацэнта і загадчыка кафедрай агульнай геаграфіі ў Казахскім дзяржаўным універсітэце^[3]. У 1958—1975 гг. В. М. Еўцыхевіч у Магілёўскім педагагічным інстытуце. Займаў пасаду дацэнта кафедры фізічнай геаграфіі, на пачатку 1960-х гадоў абіраўся дэканам геаграфічнага факультэта.

Памёр Васіль Мікалаевіч Еўцыхевіч 22 кастрычніка 1980 года.

Навуковая дзейнасць

В. М. Яўцыхевіч займаўся пытаннямі эрозіі глеб, аховы прыроды, методыкі выкладання геаграфіі. Аўтар больш за 40 навуковых прац.

Сярод апублікаванага:

• Опыт соединения учебных задач полевой практики с общественно-полезным трудом // География в школе. — 1965. — № 3.
• Эрозия почвогрунтов и борьба с ней. — Мн.: Вышэйшая школа, 1973.
• Каков ты, хозяин земли?: (Охрана почвы). — Мн.: Ураджай, 1977.
• Зямля — наш дом. — Мн.: Народная асвета, 1981.

Зноскі

1. Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.
2. Сайт Амурскага гуманітарна-педагагічнага ўніверсітэта (руск.)
3. Гісторыя кафедры геаграфіі, землеўпарадкавання і кадастру Казахскага нацыянальнага ўніверсітэта Архівавана 8 снежня 2019. (руск.)