Віктар Уладзіміравіч Азаронак

Віктар Уладзіміравіч Азаронак (нар. 23 жніўня 1974, в. Рудня, Лепельскі раён) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь VIII склікання.

Віктар Уладзіміравіч Азаронак
Нараджэнне	23 жніўня 1974(1974-08-23) (51 год) Рудня, Слабадcкі сельсавет, Лепельскі раён, Віцебская вобласць, Беларуская ССР, СССР
Член у	Белая Русь
Адукацыя	БДУФК Акадэмія кіравання пры Прэзідэнце Рэспублікі Беларусь
Месца працы	Лепельскі раённы выканаўчы камітэт

У Вікіпедыі ёсць артыкулы пра іншых людзей з прозвішчам Азаронак.

Біяграфія

Нарадзіўся 23 жніўня 1974 года ў в. Рудня Лепельскага раёна Віцебскай вобласці^[1]. Брат прапагандыста Юрыя Азаронка і дзядзька прапагандыста Рыгора Азаронка^[2].

Скончыў Акадэмію фізічнага выхавання і спорту Рэспублікі Беларусь па спецыяльнасці «Фізічная культура і спорт»; Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае і мясцовае кіраванне»^[1].

Праходзіў службу ў пагранічных войсках Узброеных Сіл Рэспублікі Беларусь^[1].

Працаваў дырэктарам Бароўскай сярэдняй школы імя Г. К. Жукава Лепельскага раёна; намеснікам старшыні Лепельскага раённага выканаўчага камітэта^[1], дзе адказваў за адказвае за пытанні адукацыі, культуры і аховы здароўя^[2].

Член рэспубліканскага грамадскага аб’яднання «Белая Русь»^[1].

У 2024 годзе выбраны дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Лепельскай акругі № 23. Член Пастаяннай камісіі па дзяржаўным будаўніцтве, мясцовым самакіраванні і рэгламенце^[1].

Зноскі

1. Біяграфія на сайце Палаты прадстаўнікоў Нацыянальнага сходу Рэспублікі Беларусь
2. У Палату прадстаўнікоў ідзе Азаронак. Але не той самы, а яго дзядзька  (бел.). Наша Ніва (27 снежня 2023). Праверана 6 мая 2024.