Віктар Уладзіміравіч Назаранка

У Вікіпедыі ёсць артыкулы пра іншых людзей з прозвішчам Назаранка.

Віктар Уладзіміравіч Назаранка (1 ліпеня 1958^[1], в. Аляксандраўка Калінкавіцкага раёна, Гомельская вобласць) — беларускі дзяржаўны дзеяч, старшыня Дзяржаўнага камітэта па стандартызацыі (2012^[2]—2018). Кандыдат эканамічных навук.

Віктар Уладзіміравіч Назаранка
Старшыня Дзяржаўнага камітэта па стандартызацыі Рэспублікі Беларусь 21 лютага 2012 — 7 верасня 2018
Прэзідэнт	Аляксандр Лукашэнка
Кіраўнік урада	Міхаіл Мясніковіч Андрэй Кабякоў Сяргей Румас
Папярэднік	Валерый Карашкоў
Пераемнік	Валянцін Татарыцкі
Нараджэнне	1 ліпеня 1958(1958-07-01) (67 гадоў) Аляксандраўка, Малааўцюкоўскі сельсавет, Калінкавіцкі раён, Гомельская вобласць, Беларуская ССР, СССР
Адукацыя	Гомельскі дзяржаўны тэхнічны ўніверсітэт імя П. В. Сухога (1981) Акадэмія кіравання пры Прэзідэнце Рэспублікі Беларусь (1999)
Навуковая ступень	кандыдат эканамічных навук
Месца працы	Гомельскі завод ліцця і нармаляў Гомсельмаш Беларускі дзяржаўны інстытут стандартызацыі і сертыфікацыі[d]
Узнагароды	Медаль «За працоўныя заслугі»

Біяграфія

Нарадзіўся ў 1958 годзе ў в. Аляксандраўка Калінкавіцкага раёна Гомельскай вобласці. У 1981 годзе скончыў Гомельскі політэхнічны інстытут, у 1999 годзе — Акадэмію кіравання пры Прэзідэнце Рэспублікі Беларусь^[3].

З 1983 па 1986 год працаваў старшым майстрам, намеснікам начальніка цэха Гомельскага завода ліцця і нармалей, з 1986 па 1990 год — прадстаўніком, старшым прадстаўніком Дзяржпрыёмкі на ВА «Гомсельмаш».

З 1990 года — намеснік генеральнага дырэктара па якасці — начальнік АТК, намеснік галоўнага інжынера па сертыфікацыі ВА «Гомсельмаш».

У 1998—2006 гадах займаў пасаду намесніка дырэктара Навукова-вытворчага рэспубліканскага ўнітарнага прадпрыемства «Беларускі дзяржаўны інстытут стандартызацыі і сертыфікацыі».

З 2006 года быў першым намеснікам старшыні Дзяржаўнага камітэта па стандартызацыі.

21 лютага 2012 года назначаны старшынёй Дзяржаўнага камітэта па стандартызацыі^[2].

16 кастрычніка 2015 года пастановай Савета Міністраў № 870 у складзе Урада склаў свае паўнамоцтвы перад нававыбраным Прэзідэнтам Рэспублікі Беларусь^[4], а 17 снежня 2015 года ўказам Прэзідэнта № 500 зноў зацверджаны на пасадзе старшыні камітэта^[5].

7 верасня 2018 года вызвалены ад пасады старшыні Дзяржаўнага камітэта па стандартызацыі^[6].

Узнагароды

• медаль «За ўклад у стварэнне Еўразійскага эканамічнага саюза» I ступені (2015)^[7].

Зноскі

1. НАЗАРЕНКО Виктор Владимирович (руск.)(недаступная спасылка). Афіцыйны сайт Дзяржстандарта. Архівавана з першакрыніцы 23 кастрычніка 2015. Праверана 1 чэрвеня 2015.
2. Прэзідэнт Рэспублікі Беларусь разгледзеў кадравыя пытанні (нявызн.) (21 лютага 2012).
3. Назаранка Віктар Уладзіміравіч (нявызн.). БЕЛТА (27 студзеня 2013).(недаступная спасылка)
4. Пастанова Савета Міністраў Рэспублікі Беларусь № 870 «Аб складанні паўнамоцтваў Урада Рэспублікі Беларусь» (руск.)(недаступная спасылка) (16 кастрычніка 2015). Архівавана з першакрыніцы 4 сакавіка 2016. Праверана 17 кастрычніка 2015.
5. Назначаны члены ўрада Рэспублікі Беларусь (нявызн.). Прэс-служба Прэзідэнта Рэспублікі Беларусь (17 снежня 2015).
6. Виктор Назаренко освобожден от должности Председателя Государственного комитета по стандартизации (руск.). Прэс-служба Прэзідэнта Рэспублікі Беларусь. Праверана 08.09.2018.
7. Решение Высшего Евразийского Экономического Совета от 8 мая 2015 года № 4 «О награждении медалью „За вклад в создание Евразийского экономического союза“» Архівавана 25 лютага 2021.