Генадзь Уладзіміравіч Ляпешка

У Вікіпедыі ёсць артыкулы пра іншых людзей з прозвішчам Ляпешка.

Генадзь Уладзіміравіч Ляпешка (нар. 28 снежня 1965, Пінск, Брэсцкая вобласць) — беларускі ваенны, генерал-маёр (2017). Начальнік Ваеннай акадэміі Рэспублікі Беларусь (2021—2024).

Генадзь Уладзіміравіч Ляпешка
Дата нараджэння	28 снежня 1965(1965-12-28) (59 гадоў)
Месца нараджэння	Пінск, Брэсцкая вобласць, Беларуская ССР, СССР
Альма-матар	Омскае вышэйшае агульнавайсковае каманднае вучылішча імя М. В. Фрунзэ[d] (1987) МінСВУ (1983) Камандна-штабны факультэт Ваеннай акадэміі Рэспублікі Беларусь[d] Ваенная акадэмія Генеральнага штаба Узброеных Сіл Расійскай Федэрацыі (2009)
Месца працы	ВАРБ
Грамадзянства	Беларусь
Званне	Генерал-маёр
Узнагароды і званні

Біяграфія

Нарадзіўся 28 снежня 1965 года ў горадзе Пінску Брэсцкай вобласці. У 1983 годзе скончыў Мінскае сувораўскае ваеннае вучылішча. Пасля заканчэння ў 1987 годзе Омскага вышэйшага агульнавайсковага каманднага вучылішча праходзіў службу на пасадах: камандзір навучальнага ўзвода, камандзір роты, начальнік штаба батальёна, камандзір батальёна.

Пасля сканчэння камандна-штабнога факультэта Ваеннай акадэміі Рэспублікі Беларусь праходзіў службу на пасадах: начальнік штаба 37-й базы захоўвання ваеннай тэхнікі, намеснік начальніка аператыўнага аддзела паўночна-заходняга аператыўнага камандавання, начальнік аператыўнага аддзела — намеснік начальніка штаба паўночна-заходняга аператыўнага камандавання.

Пасля заканчэння ў 2009 годзе Ваеннай акадэміі Генеральнага штаба Узброеных Сіл Расійскай Федэрацыі праходзіў службу на пасадах: першы намеснік начальніка штаба паўночна-заходняга аператыўнага камандавання, начальнік 1 аддзела 2 кіравання галоўнага аператыўнага кіравання Генеральнага штаба Узброеных Сіл.

З верасня 2010 года да 15 кастрычніка 2015 года займаў пасаду начальніка кіравання ваеннай адукацыі Узброеных Сіл.

З 15 кастрычніка 2015 года да 15 ліпеня 2021 працаваў на пасадзе першага намесніка начальніка Ваеннай акадэміі Рэспублікі Беларусь. 15 ліпеня 2022 года прызначаны начальнікам гэтай установы.

У 2024 годзе выбраны дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Машынабудаўнічай акругі № 92. Старшыня Пастаяннай камісіі па нацыянальнай бяспецы, член Савета Палаты прадстаўнікоў^[1].

Узнагароды

Узнагароджаны ордэнам «За службу Радзіме» III ступені, медалём «За бездакорную службу» I, II і III ступені^[1].

Сям'я

Жанаты, мае двух сыноў^[1].