Дабрамысленскае вадасховішча

Дабрамы́сленскае вадасховішча — вадасховішча ў Беларусі, у Лёзненскім раёне Віцебскай вобласці.

Дабрамысленскае вадасховішча
Каардынаты: 54°56′16″ пн. ш. 30°41′21″ у. д.HGЯO
Размяшчэнне	Лёзненскі раён, Віцебская вобласць, Беларусь
Вышыня над узроўнем мора	167/158 м
Даўжыня	8 км
Шырыня	0,8 км
Плошча	1,16 км²
Аб'ём	0,00225 км³
Найбольшая глыбіня	6,7 (5[1]) м
Сярэдняя глыбіня	1,9 м
Плошча вадазбору	700 км²
Упадаюць	рака Чарніца
Выцякаюць	рака Чарніца
Год напаўнення	1962
Дабрамысленскае вадасховішча
Дабрамысленскае вадасховішча

Знаходзіцца за 10 км на паўднёвы захад ад гарадскога пасёлка Лёзна, каля аграгарадка Дабрамыслі. Створана ў 1962 годзе плацінай на рацэ Чарніца для энергетычных (Дабрамыслінская ГЭС) і рэкрэацыйных мэт.

Плошча паверхні 1,16^[1] км². Найбольшая глыбіня 6,7 (5^[1]) м, сярэдняя 1,9^[1] м. Даўжыня 8 км, найбольшая шырыня 0,8 км. Аб’ём вады 2,25 млн м³. Плошча вадазбору 700 км².
Катлавіна выцягнутая ў рачной даліне. Берагавая лінія моцназвілістая, правы бераг пад лесам, левы забалочаны. Сярэдні шматгадовы сцёк у створы плаціны 145,4 млн м³.

На вадазборы вадасховішча знаходзіцца возера Буёўскае. На беразе вадасховішча размешчана база адпачынку «Энергетык», паляўніча-рыбалоўная^[2] база.

Зноскі

1. Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.
2. Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 33, 64. — 72 с. — 10 000 экз. — ISBN 978-985-508-136-5. (руск.)