Дабрыца (прыток Друці)

У паняцця ёсць і іншыя значэнні, гл. Дабрыца.

Дабры́ца — рака ў Кіраўскім раёне Магілёўскай вобласці і Рагачоўскім раёне Гомельская вобласць Беларусі, правы прыток ракі Друць (басейн Дняпра).

Дабрыца
Характарыстыка
Даўжыня	34 км
Басейн	250 км²
Расход вады	каля 1,2 м³/с (у вусці)
Вадацёк
Выток
• Месцазнаходжанне	за 2 км на паўночны ўсход ад вёскі Старое Заліцвінне
• Каардынаты	53°17′22″ пн. ш. 29°45′29″ у. д.HGЯO
Вусце	Друць
• Месцазнаходжанне	прыкладна за 2 км на поўнач ад вёскі Хамічы
• Каардынаты	53°09′36″ пн. ш. 29°57′40″ у. д.HGЯO
Размяшчэнне
Водная сістэма	Друць → Дняпро → Чорнае мора
Краіна	Беларусь
Рэгіёны	Магілёўская вобласць, Гомельская вобласць
Раёны	Кіраўскі раён, Рагачоўскі раён
выток вусце
— выток, — вусце

Гідраграфія

Даўжыня ракі 35 км, з іх 12 км у Кіраўскім раёне^[1]. Вадазбор плошчай 250 км². Сярэднегадавы расход вады ў вусці каля 1,2 м³/с. Сярэдні нахіл воднай паверхні 0,6 ‰. Прымае сцёк з меліярацыйных каналаў.

Пачынаецца меліярацыйнай канавай за 1,6 км на паўночны ўсход ад вёскі Старое Заліцвінне Кіраўскага раёна. Вусце прыкладна за 2 км на поўнач ад вёскі Хамічы^[2][3] Рагачоўскага раёна. Цячэ ў межах Цэнтральнабярэзінскай раўніны. Даліна трапецападобная. Пойма асушаная, яе шырыня 0,3—1 км.

Шырыня ракі ў межань 3—7 м. Рэчышча было каналізавана ў 1964—1967 гады і 1970 одзе на ўсім працягу; у 2005 годзе праведзена паўторнае рэгуляванне (1 км на паўночны захад ад вёскі Талочкаў Рагачоўскага раёна да 1 км на паўночны ўсход ад яе ж), за 2 км на паўночны ўсход ад вёскі Старое Заліцвінне. Прымае сцёк з меліярацыйных каналаў.

У басейне ракі возера Святое.

На перыяд вясновага разводдзя прыпадае каля 50 % гадавога сцёку.