Дамір Зломісліч

Дамір Зломісліч (басн.: Damir Zlomislić; нар. 20 ліпеня 1991, Коніц, Боснія і Герцагавіна) — баснійскі футбаліст, паўабаронца клуба «Зрыньскі» з Мостара.

Дамір Зломісліч
Нарадзіўся	20 ліпеня 1991(1991-07-20)[1][2][…] (34 гады) Коніц[d], абшчына Коніц[d], Герцагавіна-Нярэтванскі кантон
Грамадзянства	Боснія і Герцагавіна
Рост	193 см
Вага	86 кг
Пазіцыя	паўабаронца
Інфармацыя пра клуб
Клуб	Зрыньскі
Нумар	8
Маладзёжныя клубы
Шыракі Брыег
Клубная кар’ера[* 1]
2010—2013 Шыракі Брыег 24 (1) 2010 →  ГОШК (Габела) 2011 →  Графін (Улашым) 13 (0) 2011—2012 →  ГОШК (Габела) 27 (3) 2013—2016 Рыека 19 (0) 2015 →  Брашоў 14 (0) 2015—2016 →  Істра 1961 (Пула) 28 (1) 2016 Газіянтэп ББ 6 (0) 2017 Шыракі Брыег 10 (2) 2017 Шахцёр (Салігорск) 13 (0) 2018 Шыракі Брыег 7 (0) 2018—2019 Вайводзіна (Нові-Сад) 17 (0) 2019— Зрыньскі (Мостар) 1 (0)
Нацыянальная зборная[* 2]
2009—2010 Боснія і Герцагавіна (да 19) 12 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 1 жніўня 2019. Колькасць гульняў і галоў за нацыянальную зборную ў афіцыйных матчах, адкарэктавана станам на 9 жніўня 2017

Клубная кар’ера

Пачынаў кар’еру ў клубе «Шыракі Брыег». Пасля двух гадоў, праведзеных у арэндах у клубах ГОШК (Габела) і «Графін» (Улашым), у сезоне 2012/13 замацаваўся ў складзе каманды, выйграў з ёй Кубак Босніі і Герцагавіны.

Улетку 2013 года перайшоў у харвацкую «Рыеку». Выступаў за гэты клуб у Лізе Еўропы (9 матчаў, 1 гол). Са жніўня 2013 года па сакавік 2014 года не гуляў з-за траўмы. Пасля вяртання не здолеў замацавацца ў асноўным складзе, і ў лютым 2015 года быў аддадзены ў арэнду румынскаму клубу «Брашоў» да канца сезону. Сезон 2015/16 таксама правёў у арэндзе, цяпер у «Істры 1961».

У ліпені 2016 года перайшоў у турэцкі клуб «Газіянтэп ББ», аднак у пачатку 2017 года вярнуўся ў «Шыракі Брыег», з якім другі раз выйграў Кубак. У чэрвені 2017 года стаў іграком беларускага клуба «Шахцёр» з Салігорска^[3]. У складзе салігорскай каманды стаў выступаць на пазіцыі апорнага паўабаронцы, чаргуючы выхады ў стартавым складзе і на замену.

У пачатку 2018 года не трэніраваўся з «Шахцёрам», хутка разам з іншым футбалістам салігорцаў Дражанам Багарычам адправіўся ў «Шыракі Брыег», з якім у лютым афіцыйна падпісаў кантракт^[4]. У ліпені 2018 года перайшоў у сербскую «Вайводзіну».

У ліпені 2019 года зноў вярнуўся ў Бонію і Герцагавіну, далучыўшыся да «Зрыньскага».

Міжнародная кар’ера

Выступаў за юніёрскую зборную Босніі і Герцагавіны.

Дасягненні

• 01 Чэмпіён Босніі і Герцагавіны (2): 2021/22, 2022/23
• 03 Бронзавы прызёр чэмпіянату Босніі і Герцагавіны: 2019/20
• Уладальнік Кубка Босніі і Герцагавіны (3): 2012/13, 2016/17, 2022/23
• 02 Срэбраны прызёр чэмпіянату Харватыі: 2013/14
• Уладальнік Кубка Харватыі: 2013/14
• Уладальнік Суперкубка Харватыі: 2014
• 03 Бронзавы прызёр чэмпіянату Беларусі: 2017