Дзмітрый Аляксандравіч Пархачаў

Дзмітрый Пархачаў (нар. 30 снежня 1984, Кобрын) — беларускі футбаліст, паўабаронца.

Дзмітрый Пархачаў
Поўнае імя	Дзмітрый Аляксандравіч Пархачаў
Нарадзіўся	30 снежня 1984(1984-12-30) (40 гадоў) ці 2 студзеня 1985(1985-01-02)[1] (40 гадоў) Кобрын, Кобрынскі раён, Брэсцкая вобласць, Беларуская ССР, СССР
Грамадзянства	Беларусь  Казахстан
Рост	181 см
Вага	74 кг
Пазіцыя	паўабаронца
Клубная кар’ера[* 1]
2000—2002 РВАР (Мінск) 30 (0) 2003—2006 Дынама (Мінск) 26 (7) 2004 →  Дняпро-Трансмаш (Магілёў) 5 (0) 2006—2007 Дынама (Брэст) 12 (0) 2007—2008 Алімпік (Баку) 25 (0) 2008 Усход (Аскемен) 9 (4) 2009 Ардабасы (Шымкент) 25 (9) 2010 Табол (Кастанай) 12 (1) 2010 Жэтысу (Талдыкарган) 12 (0) 2011—2012 Кяпаз (Гянджа) 26 (3) 2012 Кайсар (Кызыларда) 13 (1) 2013 Славія (Мазыр) 10 (0) 2013 Кайсар (Кызыларда) 20 (3) 2014—2015 Атырау 42 (2) 2016—2018 Гарадзея 52 (6) 2018—2019 НФК (Мінск) 21 (4)
Нацыянальная зборная[* 2]
2003—2004 Беларусь (да 19) 6 (2)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. Колькасць гульняў і галоў за нацыянальную зборную ў афіцыйных матчах

Клубная кар’ера

Пачынаў кар’еру ў мінскім РВАРы, пазней гуляў за мінскае «Дынама» і іншыя клубы. З 2007 года выступаў у Азербайджане і Казахстане.

У сакавіку 2013 года вярнуўся ў Беларусь, стаўшы іграком мазырскай «Славіі». У чэрвені 2013 года пакінуў мазырскі клуб і зноў накіраваўся ў Казахстан^[2]. Дапамог «Кайсару» перамагчы ў Першай лізе, але па заканчэнні сезона пакінуў каманду.

У студзені 2014 года падпісаў кантракт з клубам «Атырау»^[3]. У сакавіку 2014 атрымаў грамадзянства Казахстана, дзякуючы чаму перастаў лічыцца легіянерам у мясцовым чэмпіянаце^[4]. У студзені 2016 года стала вядома, што «Атырау» не будзе падаўжаць кантракт з нападнікам^[5].

Неўзабаве пасля зыходу з «Атырау» Дзмітрый падпісаў кантракт з дэбютантам беларускай Вышэйшай лігі — клубам «Гарадзея»^[6]. У складзе «Гарадзеі» замацаваўся ў стартавым складзе на пазіцыі левага паўабаронцы. У сезоне 2017 стаў радзей з’яўляцца ў аснове, нярэдка толькі выхадзіў на замену ў канцы матча. У сезоне 2018 згуляў толькі ў пяці матчах, выйшаўшы на замену, і ў чэрвені 2018 года пакінуў клуб^[7].

У ліпені 2018 года перайшоў у «Крумкачы»^[8]. Дапамог сталічнай камандзе па выніках сезона 2018 выйсці ў Першую лігу. У студзені 2019 года падоўжыў кантракт з клубам, які змяніў афіцыйную назву на НФК^[9]. У маі 2019 года, пасля адстаўкі галоўнага трэнера Аляксея Кучука, пакінуў каманду ўслед за ім^[10].

Пазней перайшоў на трэнерскую працу ў акадэміі мінскага «Дынама»^[11].

Дасягненні

• 01 Чэмпіён Беларусі: 2004
• 02 Срэбраны прызёр чэмпіянату Беларусі: 2005
• Пераможца Кубка Беларусі: 2007
• 02 Срэбраны прызёр чэмпіянату Азербайджана: 2008
• Пераможца Першай лігі чэмпіянату Казахстана: 2013