Дубна (Слаўгарадскі раён)

Ду́бна^[2] (трансліт.: Dubna, руск.: Дубно) — вёска ў Слаўгарадскім раёне Магілёўскай вобласці. Уваходзіць у склад Кабінагорскага сельсавета.

Вёска Дубна Краіна Беларусь Вобласць Магілёўская Раён Слаўгарадскі Сельсавет Кабінагорскі Каардынаты 53°21′00″ пн. ш. 31°02′00″ у. д.HGЯO Насельніцтва ▼5 чал. (2019)[1] Часавы пояс UTC+3 Тэлефонны код +375 2246 Паштовыя індэксы 213246 Аўтамабільны код 6 СААТА 7250815020 Дубна Дубна

У паняцця ёсць і іншыя значэнні, гл. Дубна.

Да 2006 года ўваходзіла ў склад Каменкаўскага сельсавета^[3].

Геаграфія

Непадалёк ад вёскі знаходзіцца возера Святое.

Гісторыя

Згадваецца паміж 1598 і 1610 гг. як вёска Прапойскай воласці пры продажы маёнтка Тайманава^[4]. У 1649 годзе згадваецца як вёска ў Прапойскім старостве ў Рэчыцкім павеце ВКЛ^[5]. У гістарычных крыніцах згадваецца Дубна (1675), Добна (1752). З 1835 году ўладанне Бенкендорфа. У 1884 годзе 25 двароў, 197 жыхароў. У 1926 годзе дзейнічала чатырохкласная школа^[6].

Насельніцтва

• 1884 год — 197 жыхароў, 25 двароў
• 1910 год — 332 чалавекі, 46 двароў^[6]
• 1999 год — 63 чалавекі
• 2009 год — 20 чалавек^[7]
• 2011 год — 21 чалавек
• 2019 год — 5 чалавек

Славутасці

• Паселішча-1 эпохі неаліту і бронзавага веку. На заходняй ускраіне вёскі, ва ўрочышчы Ганчароўка.
• Паселішча-2 эпохі неаліту і бронзавага веку. На паўночнай ускраіне вёскі, ва ўрочышчы Збішча.
• Паселішча-3 эпохі неаліту і бронзавага веку. На захад ад вёскі, на ўсходнім беразе возера Святое, ва ўрочышчы Купальня^[8].
• За 4 км на поўнач ад Дубна знаходзіцца гідралагічны помнік прыроды Блакітная крыніца.

Зноскі

1. http://pop-stat.mashke.org/belarus-census-2019/mahilouskaja.htm
2. Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU). Сустракаецца таксама варыянт Дубі́на, ж.. Дубі́ня, ж.
3. Решение Могилевского областного Совета депутатов от 17 июля 2006 г. № 18-11 Об изменении административно-территориального устройства Славгородского района Архівавана 21 верасня 2021.
4. LVIA, SA-5349, l. 700
5. НГАБ у Мінску, ф. 1736, воп. 1, спр. 2, с. 193
6. Памяць: Гісторыка-дакументальная хроніка Слаўгарадскага раёна, Mінск, БелTa, 1999, с. 567
7. Справочник. Дубно (нявызн.).
8. Памяць: Гісторыка-дакументальная хроніка Слаўгарадскага раёна, Mінск, БелTa, 1999, с.552