Каліта (Слуцкі раён)

У паняцця ёсць і іншыя значэнні, гл. Каліта (значэнні).

Каліта́^[1] (трансліт.: Kalita, руск.: Калита) — вёска ў Слуцкім раёне Мінскай вобласці. Уваходзіць у склад Вясейскага сельсавета.

Вёска Каліта Краіна Беларусь Вобласць Мінская Раён Слуцкі Сельсавет Вясейскі Каардынаты 53°03′42″ пн. ш. 27°50′38″ у. д.HGЯO Насельніцтва 100 чалавек Часавы пояс UTC+3 Тэлефонны код +375 1795 Паштовы індэкс 223636 Аўтамабільны код 5 СААТА 6246813033 Каліта Каліта

Да 30 кастрычніка 2009 года вёска ўваходзіла ў склад Амговіцкага сельсавета^[2]. З 2009 па 2016 год у Сорагскім сельсавеце^[3].

Насельніцтва — каля 20 чалавек.

Геаграфія

Знаходзіцца на аўтамабільнай трасе Слуцк — Бабруйск. Размешчана за 20 км на ўсход ад Слуцка, за 125 км ад Мінска. Галоўныя вуліцы: Цэнтральная, Школьная, Далёкая.

Адлегласць ад Бабруйска — 90 км, ад гарадскога пасёлка Урэчча — 13 км, ад пасёлка Амговічы — 6 км.

Гісторыя

Паводле неправераных звестак, упершыню Каліта згадваецца ў 17 ст.

27 чэрвеня 1941 года ў Каліце размяшчаўся камандны пункт 14-га механізаванага корпуса (3 роты, 5 гармат і 2 бронемашыны), узначаленым палкоўнікам Іванам Васільевічам Тутарынавым  (руск.). З раніцы 27 чэрвеня часткі XXIV матарызаванага корпуса генерала фон Швепенбурга, абышоўшы абарону часцей 4-й арміі на рацэ Случ збілі савецкія войскі паўночней і паўднёвей Слуцка, пацяснілі на ўсход ад ракі Случ і цалкам авалодалі горадам. Аднак развіць наступленне ў хуткіх тэмпах немцам не ўдалося. Войскі палкоўніка Тутарынава, якія загадзя стварылі ў сябе ў тыле шматлікія загараджэнні, аказалі ўпартае супраціўленне.

Да 10 гадзіны 28 чэрвеня 3-я і 4-я танкавыя дывізіі Гудэрыяна сутыкнуліся на ўсход ад ракі Случ на асабліва насычаную загараджэннямі лінію Амговічы — Каліта, на якой абараняліся савецкія танкісты. Узяць гэту лінію праціўніку не ўдалося. У баі каля Каліты пад агнём аказаўся камандзір нямецкай дывізіі генерал-лейтэнант Вальтэр Модэль (будучы генерал-фельдмаршал), яго дывізія панесла цяжкія страты, пры гэтым быў цяжка паранены камандзір мотапяхотнага батальёна маёр Кратцэнберг і забіты яго намеснік капітан Ортс. Каб зламаць абарону Тутарынава, нямецкае камандаванне накіравала ў абыход з поўначы танкі з пяхотай. Гэтыя часці прабіліся да сярэдзіны дня ў раён Старых Дарог. Савецкім войскам прыйшлося адступіць. Сам палкоўнік Тутарынаў быў паранены і трапіў у шпіталь.

Раніцай 29 чэрвеня 1944 года перадавы атрад 9-й гвардзейскай кубанскай кавалерыйскай дывізіі ўжо генерал-маёра Івана Васілевіча Тутарынава і 32-і кавалерыйскі полк падышлі да Каліты і, заняўшы яе, рушылі далей на вызваленне Слуцка.

Да 30 кастрычніка 2009 года вёска ўваходзіла ў склад Амговіцкага сельсавета^[2].

Зноскі

1. Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
2. Рашэнне Мінскага абласнога савета дэпутатаў ад 30.10.2009 № 219 «Аб змяненні адміністрацыйна-тэрытарыяльнага падзелу Мінскай вобласці» Архівавана 11 лістапада 2013. (руск.)
3. РЕШЕНИЕ МИНСКОГО ОБЛАСТНОГО СОВЕТА ДЕПУТАТОВ 30 марта 2016 г. № 129 О некоторых вопросах административно-территориального устройства Минской области